مەملەكەتتىك جانە باسقا تىلدەردى ۇيرەنۋ ءۇشىن قالانىڭ بارلىق تۇرعىندارىنا مەملەكەتتىك قولداۋ كورسەتىلەدى. تىلدەردى وقىتۋ بويىنشا تەگىن كۋرستار ۇيىمداستىرۋ ماقساتىندا 2013 جىلدان باستاپ «سەمەي قالاسىنىڭ تىلدەردى وقىتۋ ورتالىعى» كمم جۇمىس ىستەيدى. 2020-2021 وقۋ جىلىندا ورتالىق بازاسىندا مەملەكەتتىك ءتىلدى 719 ادام, اعىلشىن ءتىلىن - 269 ادام, ورىس ءتىلىن - 236 ادام وقىدى. بيىلعى وقۋ جىلىندا قازاق ءتىلىن - 279 ادام, ورىس ءتىلىن - 103 ادام, اعىلشىن ءتىلىن - 89 ادام وقۋدا.
قالادا تۇراتىن ەتنوستار وكىلدەرىنىڭ تىلدەرىن وقىتۋ بويىنشا تىلدەردى وقىتۋ ورتالىعىنىڭ بازاسىندا جەكسەنبىلىك مەكتەپ جۇمىس ىستەيدى. اعىمداعى وقۋ جىلىندا جەكسەنبىلىك مەكتەپتە تاتار ءتىلىن - 30, نەمىس ءتىلىن - 19 جانە ورىس ءتىلىن - 16 ادام وقيدى.
«شىعىس قازاقستان وبلىسىنىڭ سەمەي قالاسىنداعى ۇلتتىق - تىلدىك احۋال تۋرالى» الەۋمەتتىك ساۋالنامانىڭ قورىتىندىسى بويىنشا 2020 جىلى مەملەكەتتىك ءتىلدى مەڭگەرگەن حالىقتىڭ ۇلەسى 96%-دى قۇراپ, 2019 جىلمەن سالىستىرعاندا 1,2 ەسەگە ارتتى. اعىلشىن ءتىلىن مەڭگەرگەن تۇرعىنداردىڭ ۇلەسى 7,9%-دى, ءۇش ءتىلدى (قازاق, ورىس جانە اعىلشىن تىلدەرىن) مەڭگەرگەن تۇرعىنداردىڭ ۇلەسى 7%-دى قۇرادى.
قالا تۇرعىندارى مەملەكەتتىك جانە باسقا تىلدەردى دامىتۋعا باعىتتالعان رەسپۋبليكالىق جانە وبلىستىق ءىس-شارالارعا بەلسەندى قاتىسادى.
سونىمەن قاتار توقسان سايىن مەملەكەتتىك ورگانداردىڭ قۇجات اينالىمىنا مونيتورينگ جۇرگىزىلەدى. شىعىس قۇجات اينالىمىنداعى مەملەكەتتىك ءتىلدىڭ ۇلەسى 2020 جىلى 95%-دى, بيىلعى جىلدىڭ 9 ايىنىڭ قورىتىندىسى بويىنشا 97%-دى قۇرادى.
