«2 قاراشا كۇنى ساعات 14:10-دا پاۆلوداردا پمحز اۆتوجولىندا «شكودا سۋبەرب» ماركالى اۆتوكولىگىنىڭ 43 جاستاعى جۇرگىزۋشىسى «فولكسۆاگەن گولف» ماركالى اۆتوكولىگىمەن سوقتىعىسقان. جول اپاتى سالدارىنان «فولكسۆاگەن گولف» اۆتوكولىگىنىڭ 19 جاستاعى جۇرگىزۋشىسى جاراقات الىپ اۋرۋحاناعا جەتكىزىلدى», دەپ حابارلادى پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى.
قۇقىق قورعاۋ ورگاندارىنىڭ مالىمەتىنشە, «شكودا سۋبەرب» اۆتوكولىگى ايىپ تۇراعىنا قامالدى. تەكسەرۋ جۇرگىزىلىپ, قاجەتتى ساراپتامالار تاعايىندالدى.
«اۋا رايىنىڭ قولايسىزدىعىنا بايلانىستى 2 قاراشادا پاۆلوداردا 35 جكو تىركەلدى», دەپ تولىقتىردى پد.
ءتارتىپ ساقشىلارى اۆتوكولىك جۇرگىزۋشىلەرىنە اۋا رايىنىڭ ناشارلاۋىنا بايلانىستى جولدا اباي بولۋدى ەسكە سالدى.
«جىل باسىنان بەرى پاۆلودار وبلىسىنىڭ اۋماعىندا 529 جكو تىركەلدى, سونىڭ ناتيجەسىندە 47 ادام قازا تاپتى, تاعى 789 ادام جاراقات الدى», دەپ حابارلادى ۆەدومستۆودان.
