ءماجىلىس سپيكەرى تەمىرحان دوسمۇحامبەتوۆتىڭ ەل دامۋىنا, قوعام ءومىرىنىڭ ءتۇرلى سالالارىنا, تۋريزم مەن سپورتقا, ەلوردانى اباتتاندىرۋ, اۋىل شارۋاشىلىعى ماسەلەلەرىن شەشۋگە قوسقان ۇلەسىن ەرەكشە اتاپ ءوتتى.
«تەمىرحان دوسمۇحامبەتوۆ ءوزىنىڭ زاڭ شىعارۋشىلىق قىزمەتىن 12-ءشى شاقىرىلىمنىڭ جوعارعى كەڭەسىندە باستاپ, كەيىننەن ونى ءماجىلىستىڭ V شاقىرىلىمىنىڭ دەپۋتاتى رەتىندە تابىستى جالعاستىرىپ, وتاندىق زاڭنامانى جەتىلدىرۋمەن اينالىستى. حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى رەتىندە ول پارلامەنتتىك ديپلوماتيا ادىستەرىن ءتيىمدى قولدانا وتىرىپ, ەلدىڭ مۇددەلەرىن لايىقتى قورعادى. تەمىرحان مىڭايدار ۇلى تاماشا ادام, ءوز ەلىنىڭ ناعىز پاتريوتى بولعان. بارلىق دەپۋتاتتىق كورپۋستىڭ جانە جەكە ءوزىمنىڭ اتىمنان تۋعان-تۋىستارىنا جانە جاقىندارىنا شىن جۇرەكتەن كوڭىل ايتامىن. بەلگىلى مەملەكەت جانە قوعام قايراتكەرى, سەنىمدى ارىپتەس, پىكىرلەس تەمىرحان مىڭايدار ۇلى دوسمۇحامبەتوۆ تۋرالى جارقىن ەستەلىك ءبىزدىڭ جۇرەگىمىزدە ماڭگى ساقتالادى», دەپ اتاپ ءوتتى ءماجىلىس توراعاسى نۇرلان نىعماتۋلين.
