اتالعان سالىمداردىڭ ەداۋىر ۇلەسى, ناقتى ايتقاندا 305 ملرد دوللار – ەلەكتر جانە جىلۋ ەنەرگياسىن وندىرۋگە, 167 ملرد دوللار – كولىك ينفراقۇرىلىمىنا, 65 ملرد دوللار – تاۋ-كەن جانە وڭدەۋ ونەركاسىبىنە, سونداي-اق 57 ملرد دوللار – تۇرعىن ءۇي-كوممۋنالدىق شارۋاشىلىعىنا جانە 49 ملرد دوللار اۋىل شارۋاشىلىعىنا باعىتتالۋى ءتيىس.
ارنايى باعالاۋعا سايكەس كومىر, مۇناي جانە گاز ءوندىرۋ سەكتورىنداعى ينۆەستيتسيالار ۇزاقمەرزىمدى پەرسپەكتيۆادا سۇرانىستىڭ تومەندەۋىنە بايلانىستى ازايادى دەپ بولجانۋدا.
«ايتالىق, قازىر ۇكىمەت جاڭعىرمالى ەنەرگيا كوزدەرىنە ينۆەستيتسيالار تارتۋعا قاتىستى جۇمىستى قولعا الدى. سونىڭ ءبىرى قازاقستاندا سو2 قالدىعىن ازايتۋعا ارنالعان ءىرى جوبالاردى بىرىككەن اراب امىرلىكتەرىمەن بىرلەسىپ ىسكە اسىرۋ كوزدەلگەن. ايتىلعان كورسەتكىشتەر مەن كومىرتەكتى بەيتاراپتىققا قول جەتكىزۋ ءۇشىن سالالىق ساياساتتى رەفورمالاۋ قاجەت. دوكترينادا ازىرلەنگەن ينديكاتورلاردى ورىنداۋ ءۇشىن ونەركاسىپتە ەنەرگيا تيىمدىلىگىن ارتتىرىپ, ۇنەمدەۋ جونىندەگى شارالار ەسكەرىلۋى ءتيىس.
«جاسىل» كولىكتەردىڭ (ەكولوگيالىق تازا كولىك تۇرلەرى) ءتيىستى ينفراقۇرىلىمىن دامىتۋ ماقساتىندا قولداۋ تەتىكتەرىن ازىرلەۋ كەرەك. تەرمو جاڭعىرتۋ ارقىلى قولدانىستاعى تۇرعىن ءۇي قورىندا جىلۋدىڭ شىعىنىن ۇشتەن بىرگە تومەندەتىپ, جاڭا عيماراتتار مىندەتتى تۇردە جاڭعىرمالى قۋات كوزدەرىنە قوسىلىپ, ەنەرگيا تيىمدىلىگىنىڭ جوعارى تالابىنا ساي بولۋى قاجەت. ورگانيكالىق ونىمگە دەگەن الەمدىك سۇرانىستى ەسكەرىپ, وسىمدىك شارۋاشىلىعى باعىتىندا ەگىنشىلىكتىڭ ورگانيكالىق ادىستەرىنە كوشۋدى جەدەلدەتۋ ارقىلى ورگانيكالىق ءونىمنىڭ ەكسپورتىن مەملەكەتتىك تۇرعىدا قولداۋعا ءمان بەرگەن ابزال. ەلىمىزدىڭ كومىرتەگىنەن بەيتاراپتى دامۋى وڭاي بولمايدى. بىراق ەكونوميكانىڭ تۇراقتى تۇردە ىلگەرىلەۋىنە نەگىز بولىپ, ينۆەستيتسيالىق تارتىمدىلىقتى ارتتىرادى», دەدى ۆەدومستۆو باسشىسى.
مينيستر ايتقانداي, ەكونوميكانى الەۋمەتتىك تۇرعىدان ترانسفورماتسيالاۋ جانە جاڭا جۇمىس ورىندارىن قۇرۋ اتالعان دوكترينانىڭ اجىراماس بولىگى. بۇدان بولەك, ەلىمىزدىڭ باس ەكولوگى زياندى قالدىقتىڭ كولەمىن ازايتۋدا ورمان القاپتارىن ۇلعايتۋدىڭ ماڭىزى زور ەكەنىن ايتتى.
«ەلىمىزدە ورمان قورى 30 ملن گەكتاردى الىپ جاتقانىمەن ونىڭ 13,3 ملن گەكتارى عانا ورماندى القاپ سانالادى. جاس كوشەتتەر سو2-ءنى بىردەن سىڭىرە المايدى, ويتكەنى بۇعان شامامەن جەتى جىل ۋاقىت قاجەت. وسى ارالىقتا اعاش جەتىلىپ, سودان كەيىن عانا پارنيكتى گازدى سىڭىرۋگە قاۋقارلى. كورسەتكىشتەرگە توقتالساق, 1 گەكتارداي ورمان 3 تونناعا دەيىن سو2-ءنى سىڭىرەدى ەكەن. بۇل سونشالىقتى كوپ ەمەس. سول سەبەپتى مەملەكەت باسشىسىنىڭ تاپسىرماسىنا سايكەس ورماندى ۇلعايتۋدىڭ ماڭىزى زور.
بۇل تاپسىرما «جاسىل قازاقستان» ۇلتتىق جوباسىندا بەكىتىلدى. جىل سوڭىنا دەيىن 130 ملن-عا جۋىق اعاش وتىرعىزىلىپ, كوكتەمدە 80 ملن-نان استام كوشەت ەگىلەدى. كۇزدە قوسىمشا 50 ملن اعاشتى وتىرعىزۋ كوزدەلگەن. سونداي-اق ارال تەڭىزىنىڭ قۇرعاعان تۇبىنە سەكسەۋىل وتىرعىزىلىپ جاتىر», دەدى ەكولوگيا ءمينيسترى.
سوڭعى 10 جىلدا ارالدى قالپىنا كەلتىرۋگە بايلانىستى حالىقارالىق قورلاردىڭ قولداۋىمەن 85 ملن دوللاردان استام قاراجاتقا ءتۇرلى جوبالار ىسكە اسىرىلىپ, 340 مىڭ گەكتارعا سەكسەۋىل وتىرعىزىلىپتى.
