«اقىلى اۆتوموبيل جولدارى: نۇر-سۇلتان – پاۆلودار, شىمكەنت – وزبەكستان شەكاراسى (تاشكەنتكە), ششۋچينسك-كوكشەتاۋ, قاپشاعاي – تالدىقورعان, شىمكەنت – تاراز, تاراز – قاينار, شىمكەنت – قىزىلوردا. اتالعان ۋچاسكەلەر اقى الۋ جۇيەسىنىڭ بارلىق قاجەتتى جابدىقتارىمەن جابدىقتالعان.
7 جاڭا اقىلى ۋچاسكەنى پايدالانۋعا ەنگىزۋ تۋرالى بۇيرىق جوبالارىنا قول قويىلدى جانە ادىلەت مينيسترلىگىندە تىركەلۋدە. ءبىرىنشى تەحنيكالىق ساناتتاعى ۋچاسكەلەردەگى اقىلى جۇيەنى 2021 جىلعى 15 قاراشادان باستاپ ەنگىزۋ جوسپارلانىپ وتىر. بۇل رەتتە اتالمىش ۋچاسكەلەر وسى جىلدىڭ 1 قازانىنان باستاپ تەستىلىك پايدالانۋعا بەرىلگەن بولاتىن», دەلىنگەن «قازاۆتوجول» حابارلاماسىندا.
يندۋستريا جانە ينفراقۇرىلىمدىق دامۋ مينيسترلىگى اقى الۋدىڭ «اشىق» جۇيەسىن ەنگىزۋ تۋرالى شەشىم قابىلدادى. وسىنداي جولدارمەن جۇرۋگە اقى تولەۋ ءۇشىن اۆتوكولىكتىڭ مەملەكەتتىك نومىرىنە شوتتى تولتىرۋدىڭ 20-دان استام نۇسقاسى قاراستىرىلعان: QAJ mobile ء(موبيلدى قوسىمشا), Kaspi.kz, Kiwi-ءاميان, Forte Bank جانە ت.ب.
ايتا كەتەيىك, 2013 جىلدان باستاپ I ساناتتاعى اقىلى ۋچاسكەلەر بويىنشا جول ءجۇرۋ اقىسى وزگەرگەن جوق (نۇر-سۇلتان – ششۋچينسك ءبىرىنشى اقىلى ۋچاسكەسى ەنگىزىلگەن ساتتەن باستاپ) جانە ول وزگەرىسسىز سول كۇيىندە قالادى.
