«مەن «ۇلكەن جيىرمالىقتىڭ» جاھاندىق شەشىمدەرگە دەگەن ادالدىعىن راستاۋدى قۇپتاسام دا, مەن ريمنەن ورىندالماعان ۇمىتتەرمەن كەتىپ بارامىن, بىراق ول ۇمىتتەرىم ءالى دە «سونگەن جوق», دەپ جازدى ول Twitter-دە.
«ۇلكەن جيىرمالىق» ەلدەرى قورىتىندى مالىمدەمەسىندە جاھاندىق جىلىنۋدىڭ 1,5 گرادۋس دەڭگەيىندە كوتەرىلۋىن شەكتەۋ ءۇشىن كۇش سالۋعا نيەت ءبىلدىردى. «ۇلكەن جيىرمالىق» مەملەكەتتەرى 1,5 گرادۋس تەمپەراتۋرادا كليماتتىڭ وزگەرۋىنىڭ سالدارى ەكى گرادۋسقا قاراعاندا الدەقايدا تومەن ەكەنىن مويىندادى.
كومميۋنيكەگە سايكەس, جىلىمىقتى 1,5 گرادۋسقا دەيىن ۇستاپ تۇرۋ بارلىق ەلدەردىڭ ءتيىمدى ارەكەتتەرى مەن مىندەتتەمەلەرىن تالاپ ەتەدى. ۇلىبريتانيا يتاليامەن سەرىكتەستىكتە ۇيىمداستىرعان بۇۇ-نىڭ كليماتتىڭ وزگەرۋى تۋرالى نەگىزدەمەلىك كونۆەنتسياسى تاراپتارىنىڭ جيىرما التىنشى كونفەرەنتسياسى (COP 26) 31 قازان مەن 12 قاراشا ارالىعىندا گلازگودا وتەدى. وعان 200-گە جۋىق ەلدىڭ وكىلدەرى قاتىسادى دەپ كۇتىلۋدە.
كونفەرەنتسيادا پارنيكتى شىعارىندىلاردى ازايتۋ جانە كومىرتەكتى بەيتاراپتىققا قول جەتكىزۋ ماسەلەلەرى بويىنشا بىرقاتار قۇجاتتاردى قابىلداۋ جوسپارلانۋدا. الەمدىك كوشباسشىلاردىڭ قاتىسۋىمەن وتەتىن ءسامميتتىڭ نەگىزگى باعدارلاماسى 1-2 قاراشاعا جوسپارلانعان.
