ساپار بارىسىندا مينيستر وبلىستاعى «اۋىل – ەل بەسىگى» باعدارلاماسى بويىنشا جوندەلگەن جانە سالىنىپ جاتقان وبەكتىلەرمەن تانىستى.
سەرىكقالي برەكەشەۆ ماحامبەت اۋىلىندا كلۋب عيماراتىندا بولىپ, جىمپيتى اۋىلىنداعى اۆتوموبيل جولىنىڭ قۇرىلىسىن باقىلادى.
100 ورىندىق اۋىلدىق كلۋب نىسانىنىڭ قۇرىلىس جۇمىستارى 100% پايىزعا ورىندالدى. وعان رەسپۋبليكالىق بيۋدجەتتەن 81,9 ملن تەڭگە قاراجات بولىنگەن. ال سىرىم اۋدانى جىمپيتى اۋىلىنداعى جولداردىڭ قۇرىلىس جۇمىستارى 90-95 پايىزعا ورىندالعان. وندا رەسپۋبليكالىق بيۋدجەتتەن 148,1 ملن تەڭگە قاراجات ءبولىندى. جولدىڭ ۇزىندىعى 1,5 شاقىرىمدى قۇرايدى.
سونداي-اق, مينيستر كيروۆ-شەجىن ماگيسترالدى كانالىن ورال-كوشىم جۇيەسىنەن «ۇلكەن وزەنگە» باسسەينارالىق سۋ جىبەرۋ ءۇشىن رەكونسترۋكتسيالاۋ جوباسىنىڭ قۇرىلىس بارىسىن تەكسەردى.
وبەكتىگە 7 بىرلىك تەحنيكا جانە 10 ادامنان تۇراتىن جۇمىس بريگاداسى جۇمىلدىرىلعان. سۋ قابىلداعىش بويىنشا دايىندىق جۇمىستارى 80%-عا, بوگەتتىڭ ەڭىسىن بەكىتۋ بويىنشا 80%-عا, پايدالانۋ جولىمەن بىرىكتىرىلگەن بوگەتتى جوندەۋ بويىنشا جانە كيۋۆەتتى تولتىرۋ بويىنشا 35%-عا دايىندىق جۇمىستارى جۇرگىزىلدى.
«اۋىل – ەل بەسىگى» جوباسىن ىسكە اسىرۋ قورىتىندىلارى بويىنشا كەڭەستە مينيستر باتىس قازاقستان وبلىسىنداعى جوبانىڭ قارقىنى تۋرالى مالىمدەدى.
«ارينە, جوبا اياسىندا وڭىردە كوپ جۇمىس اتقارىلىپ جاتىر. باعدارلامادا 24 پەرسپەكتيۆالى اۋىل قامتىلىپ, بىرقاتار الەۋمەتتىك سالا نىساندارى جوندەلدى. ونداعان شاقىرىم جول, ەلەكتر بەرۋ جەلىلەرى قايتا جاڭارتىلدى. سونىمەن قاتار, بارلىق نىساندار بەلگىلەنگەن مەرزىمدە تاپسىرىلعانىنا نازار اۋدارۋ قاجەت. بۇل رەتتە ساپا ماسەلەسى ەرەكشە باقىلاۋدا بولۋى ءتيىس. سونداي-اق شەكارالاس اۋىلداردىڭ ستراتەگيالىق ماڭىزدىلىعىن ەسكەرە وتىرىپ, باعدارلاماعا قوسۋ ماسەلەسى دە وزەكتى بولىپ تابىلادى», دەدى مينيستر.
جالپى, 3 جىل ىشىندە وڭىردە 107,2 كم استام جول سالىندى, قايتا جاڭارتىلدى جانە جوندەلدى. 7,1 كم سۋ قۇبىرى جەلىسىنە, 11 مەكتەپكە, 10 مادەنيەت جانە سپورت وبەكتىسىنە كۇردەلى جوندەۋ جۇرگىزىلدى. كوشەلەردى جارىقتاندىرۋ ءۇشىن 6,1 كم ەلەكتر بەرۋ جەلىسى سالىندى.
ايتا كەتەيىك, «اۋىل – ەل بەسىگى» جوباسى 2019 جىلدان بەرى ەلباسى نۇرسۇلتان ءابىش ۇلى نازارباەۆتىڭ باستاماسىمەن جۇزەگە اسىرىلىپ كەلەدى. جوبانىڭ ماقساتى – اۋىلدارداعى ءومىر ءسۇرۋ ساپاسىن جاقسارتۋ, اۋىلدىق اۋماقتاردىڭ الەۋمەتتىك جانە ينجەنەرلىك ينفراقۇرىلىمىن جاڭعىرتۋ, ونى جاڭا وڭىرلىك ستاندارتتارعا ساي ەتۋ بولىپ تابىلادى.
