وتباسىنداعى اگرەسسوردىڭ قۇرباندارى – نازىك جاندىلار, تىپتەن بالالاردىڭ دەنساۋلىعىنا زيان كەلىپ, پسيحولوگيالىق كۇيزەلىسكە دۋشار بولىپ جاتقان جاعدايلار از ەمەس. Gulbolsyn جوباسى وسى ورايدا قالاداعى نازىك جاندىلاردىڭ قۇقىقتارىن قورعاۋعا, زورلىق-زومبىلىقتان زارداپ شەككەندەرگە كومەك بەرىپ, قولداۋ كورسەتۋگە, وزىنە-ءوزى قول جۇمساۋ جاعدايلارىنىڭ الدىن الۋ ماقساتىندا جۇمىس ىستەۋدە.
اتالعان جوبا الماتىنىڭ داعدارىس ورتالىقتارىمەن, سونىمەن قاتار الەۋمەتتىك انا ورتالىقتارىنىڭ جەلىسى – «باقىتتى وتباسى» باستاماسىمەن بىرگە بەلسەندى جۇزەگە اسىپ كەلەدى. وسى ورايدا داۋ-دامايدى شەشۋ, تەڭدىك ماسەلەلەرى, تۇرمىستىق زورلىق-زومبىلىقتىڭ الدىن الۋ بويىنشا پىكىر الاڭدارى مەن كەزدەسۋلەر ۇيىمداستىرىلىپ وتىرادى. كەڭەس بەرۋ ءۇشىن قابىلداۋ بولىمدەرى اشىلىپ, پسيحولوگتەر, زاڭگەرلەر, جاتتىقتىرۋشىلار سياقتى ماماندار قىزمەتى جولعا قويىلعان ءارى سەنىم تەلەفوندارى دامىلسىز قوڭىراۋ قابىلدايدى. وسى ورتالىق ماماندارىنان جوبا باستالعان ارالىقتا 1552 ادام كومەك السا, ولاردىڭ ۇرەي مەن قورقىنىشتان ارىلىپ, جاڭاشا ءومىر باستاۋعا ۇمتىلىسى قۋانتادى. ورتالىق ماماندارىنىڭ كەڭەسىنىڭ ارقاسىندا كۇش-قۋات الىپ, قالىپتى جاعدايدا ءومىر سۇرۋگە بەل بۋعان نازىك جاندىلار تىڭ باستامالاردىڭ, جاڭا ىستەردىڭ باستاماشىسى بولا بىلۋدە. جوبا وسى جىلدىڭ جەلتوقسان ايىنا دەيىن جالعاسادى.
الماتى
