قوندىرعىلاردى تاپسىرۋ پرەمەر-ءمينيستردىڭ ورىنباسارى ەرالى توعجانوۆتىڭ, «ارسەلورميتتال تەمىرتاۋ» اق باس ديرەكتورى بيدجۋ ءنايردىڭ, سونداي-اق تاۋ-كەن باعىتىنىڭ اتقارۋشى ديرەكتورى دجەلسون ءباتيستتىڭ جانە اتقارۋشى ديرەكتور الىشەر ابەنوۆتىڭ قاتىسۋىمەن ءوتتى.
كومپانيا كولەمى 528 ليتر بولاتىن 4 ستاتسيونارلىق توڭازىتقىش, كولەمى 100 ليترلىك 43 ستاتسيونارلىق توڭازىتقىش, سونداي-اق ۆاكتسينا تاسىمالداۋعا ارنالعان 54 ءپورتاتيۆتى تەرموكونتەينەر ساتىپ الدى. جابدىقتىڭ جالپى قۇنى 180 ملن تەڭگەدەن اسادى.
كونتەينەرلەردىڭ ارقايسىسى GPS-ترەكەرمەن جابدىقتالعان. جابدىق ۆاكتسينانى -86 گرادۋسقا دەيىن قاجەتتى تەمپەراتۋرادا تاسىمالداۋعا جانە ساقتاۋعا مۇمكىندىك بەرەدى. مۇنداي جاعدايلاردا پرەپارات التى ايعا دەيىن ءوزىنىڭ قاسيەتتەرىن ساقتايدى.
«قاراعاندى وبلىسى – «ارسەلور ميتتال تەمىرتاۋ» كومپانياسىنىڭ قارجىلىق قولداۋىنىڭ ارقاسىندا توڭازىتقىشپەن جابدىقتالعان ەلىمىزدەگى العاشقى وڭىرلەردىڭ ءبىرى. وبلىستىڭ ءاربىر قالاسى مەن اۋدان ورتالىعى Pfizer ۆاكتسيناسىن ساقتاۋعا ارنالعان مۇزداتقىشتارمەن تولىق قامتاماسىز ەتىلەدى. «سۋىق» تىزبەكتى ساقتاۋ – بۇل وسى ۆاكتسينا بويىنشا قويىلاتىن نەگىزگى تالاپ. قاجەتتى توڭازىتقىش جابدىقتاردى جەدەل جەتكىزگەنى ءۇشىن «ارسەلور ميتتال تەمىرتاۋعا» العىسىمىزدى بىلدىرەمىز», دەپ اتاپ ءوتتى پرەمەر-ءمينيستردىڭ ورىنباسارى ەرالى توعجانوۆ.
«بۇل پاندەميانىڭ ەكونو-
ميكاعا, بيزنەسكە جانە حالىققا تيگىزەتىن اسەرىن باعالاۋ قيىن. بىراق ءبىز تەڭدەسسىز داعدارىس جاپپاي قولداۋدى تالاپ ەتەتىنىنە سەنىمدىمىز. ءبىزدىڭ الەۋمەتتىك-جاۋاپتى كومپانيا رەتىندەگى مىندەتىمىز – ايماق ەكونوميكاسىن قالپىنا كەلتىرۋگە كومەكتەسۋ, سونداي-اق پاندەمياعا بايلانىستى جاڭا سىناقتارعا تولىق دايىن بولۋ», دەدى «ارسەلورميتتال تەمىرتاۋ» اق باس ديرەكتورى بيدجۋ ناير.
«كومپانيانىڭ ءبىرىنشى كەزەكتەگى مىندەتى – قىزمەتكەرلەرىمىزدىڭ دەنساۋلىعىن ساقتاۋ جانە قاۋىپسىزدىگىن قامتاماسىز ەتۋ. كومپانيا قىزمەتكەرلەردى قورعاۋعا باعىتتالعان قازاقستان رەسپۋبليكاسىنىڭ سانيتارلىق نورمالارىنا سايكەس جۇمىس ىستەيدى. الەۋمەتتىك جاۋاپتى كاسىپورىن بولعاندىقتان ءبىز ءوڭىر حالقىن قولداۋعا باعىتتالعان باستامالاردى ءاردايىم قولدايمىز», دەپ اتاپ ءوتتى امت اتقارۋشى ديرەكتورى الىشەر ابەنوۆ.
الداعى اپتادا «ارسەلورميتتال تەمىرتاۋ» كومپانياسىنىڭ قىزمەتتەرى مۇزداتقىش جابدىقتى وبلىستىق ۆاكتسينا قويماسىنا جانە وبلىستىڭ بارلىق وڭىرىنە جەتكىزۋدى قامتاماسىز ەتەدى.
