بيىلعى جىلى قالا حالقىن ساپالى سۋمەن قامتاماسىز ەتۋ ماقاساتىندا ينفراقۇرىلىمدى جەتىلدىرۋگە 16 ملرد. تەڭگە باعىتتالعان. بۇل قاراجات ساپالى سۋمەن قامتۋ ءۇشىن 3 ماگيسترالدىق جەلىنىڭ قۇرىلىسىنا, اۋىز سۋدى تاسىمالداۋعا بايلانىستى 7 ەلدى مەكەندى سۋمەن جابدىقتاۋ جەلىلەرىمەن قامتاماسىز ەتۋگە جانە كەستە بويىنشا اۋىز سۋ بەرىلەتىن 2 ەلدى مەكەندە سۋمەن جابدىقتاۋدىڭ ورامىشىلىك جەلىلەرىنىڭ قۇرىلىسىنا سالىنعان.
قابىلدانعان شارالاردىڭ ناتيجەسىندە جىل سوڭىنا دەيىن 25 مىڭ قالا تۇرعىنى ساپالى اۋىز سۋمەن قامتاماسىز ەتىلەتىن بولادى. قالانى سۋمەن جابدىقتاۋ جەلىلەرىمەن قامتۋ كورسەتكىشى قازىرگى 95,6% - دان 98% - عا دەيىن ارتادى.
قالا باسشىسى قۇرىلىس الاڭىندا مەملەكەتتىك ورگانداردىڭ جاۋاپتى باسشىلارىمەن كەڭەس وتكىزدى. مەملەكەت باسشىسىنىڭ قازاقستان حالقىنا جىل سايىنعى جولداۋىندا ەل تۇرعىندارىن ساپالى اۋىز سۋمەن قامتاماسىز ەتۋ بويىنشا ناقتى مىندەت قويىلعانى اتاپ ءوتىلدى. مەملەكەت باسشىسىنىڭ اتالمىش تاپسىرماسىنا سايكەس, شىمكەنتتە 2023 جىلعا دەيىن قالا تۇرعىندارىن ساپالى اۋىز سۋمەن قامتاماسىز ەتۋ كورسەتكىشىن 100% - عا دەيىن جەتكىزۋ جوسپارلانۋدا. قالا اكىمى العا قويىلعان مىندەتتەردىڭ ماڭىزدىلىعىن اتاپ ءوتىپ, ورىندالاتىن جۇمىستاردىڭ ساپاسىن ەرەكشە باقىلاۋدا ۇستاۋدى, نىساندار قۇرىلىسىنىڭ بەلگىلەنگەن مەرزىمدە اياقتالۋىن قاداعالاۋدى تاپسىردى.
