بيىل «اۋىل – ەل بەسىگى» مەملەكەتتىك باعدارلاماسى اياسىندا ەرتىس وڭىرىندە جالپى حالىق سانى 25 مىڭ ادامنان اساتىن 22 اۋىلدىق ەلدى مەكەندە ينفراقۇرىلىمدى جاڭارتۋ جۇمىستارى قولعا الىندى. جوسپارلانعان 70 جوبانىڭ باسىم بولىگى اياقتالدى. مەملەكەتتىك باعدارلامانى ىسكە اسىرۋ بارىسىندا كەشەندى ءتاسىل قولدانىلدى, اۋىل تۇرعىندارىنا قاجەتتىنىڭ ءبارى جوندەۋ جانە قالپىنا كەلتىرۋ جۇمىستارىمەن قامتىلدى.
ر. سكلياردىڭ جۇمىس ساپارى ەرتىس اۋدانىنداعى قىزىلجار اۋىلىنان باستالىپ, اۋىل شارۋاشىلىعى عىلىمي-زەرتتەۋ ينستيتۋتىنىڭ بۇرىنعى عيماراتىن قايتا جاڭعىرتۋ ناتيجەسىندە اشىلعان مادەنيەت ۇيىندە بولدى. رومان سكليار سونىمەن قاتار اكت جانە سپورت زالدارى مەن اسحاناسى جوندەۋدەن وتكەن جەرگىلىكتى مەكتەپتە بولدى. سونىمەن قاتار قىزىلجاردا «اۋىل – ەل بەسىگى» جوباسىن جۇزەگە اسىرۋدىڭ ارقاسىندا جالپى ۇزىندىعى 5 شاقىرىمنان اساتىن 9 اۋىلىشىلىك جول كەڭەيتىلىپ, اسفالتتالدى.
ۆيتسە-پرەمەر اقتوعاي اۋدانى پريرەچەنسكوە اۋىلىنداعى نىسانداردى ارالاۋ بارىسىندا ورتا مەكتەپتە جۇرگىزىلىپ جاتقان كۇردەلى جوندەۋ جۇمىستارىنىڭ ساپاسىن زەرتتەدى. مەملەكەتتىك باعدارلاما ەسەبىنەن عيماراتتىڭ شاتىرى, قاسبەتى, اسحانا, سپورت زالى جانە باسقا دا ىشكى ءۇي-جايلار رەتكە كەلتىرىلدى. سونىمەن قاتار جەرگىلىكتى تۇرعىندار جاڭارتىلعان جولداردى پايدالانا الادى – اۋىلداعى 5 كوشە جوندەلدى.
پاۆلودار اۋدانى زاريا اۋىلىندا «اۋىل – ەل بەسىگى» جوباسىنىڭ ارقاسىندا تولىق كولەمدەگى فۋتبول الاڭى پايدا بولدى. وندا ەلدى مەكەننىڭ بارلىق تۇرعىندارى سپورتپەن اينالىسا الادى. سونداي-اق مۇندا مادەنيەت ءۇيى مەن جەرگىلىكتى مەكتەپ كۇردەلى جوندەۋدەن ءوتتى.
رومان سكليار اققۋلى اۋدانى يامىشەۆو اۋىلىندا دا بولدى. بيىل مۇندا مادەنيەت ءۇيى سالىنىپ, 5 شاقىرىمنان استام اۋىلىشىلىك جول رەتكە كەلتىرىلدى.
