بۇل جوبا اۋىلداعى ءومىر ساپاسىن ارتتىرۋعا باعىتتالعان. 2025 جىلعا دەيىن ەلدەگى اۋىل تۇرعىندارىنىڭ 80%-ن اتالمىش جوبامەن قامتۋ كوزدەلىپ وتىر.
قاراعاندى وبلىسىندا «اۋىل – ەل بەسىگى» جوباسى 179 اۋىلدا جۇزەگە اسىرىلۋدا, جوسپار بويىنشا 140 نىسان سالىنىپ, جاڭعىرتىلادى. 2019-2020 جىلدارى تۇرعىن ءۇي-كوممۋنالدىق, الەۋمەتتىك جانە سپورتتىق-ساۋىقتىرۋ سالالارىنداعى 73 جوبانى ىسكە اسىرۋ اياقتالدى. بيىلعى جىلى قاراعاندى وبلىسىندا 60 جوبانى جۇزەگە اسىرۋعا 6,4 ملرد تەڭگە ءبولىندى.
ەرالى توعجانوۆ وساكاروۆ جانە نۇرا اۋداندارىندا سالىنىپ جاتقان نىساندارمەن تانىستى. اۋىل تۇرعىندارى ءۇشىن قولايلى جاعداي جاسالعان ءبىلىم بەرۋ, دەنساۋلىق ساقتاۋ, الەۋمەتتىك ينفراقۇرىلىم مەكەمەلەرىنە باردى. بيىل نۇرا اۋدانىندا ءتورت اۋىل مەن ەكى كەنتتىڭ جولدارى جوندەلدى, دەمالىس پاركىنە رەكونسترۋكتسيا جۇرگىزىلدى. پرەمەر-ءمينيستردىڭ ورىنباسارى اۋىل تۇرعىندارى ءۇشىن قولايلى ورتا قۇرۋ بويىنشا رەسپۋبليكاداعى ۇزدىك وتىزدىقتىڭ قاتارىنا ەنگەن شاحتەرسكوە اۋىلىنا باردى. مۇندا زاماناۋي ءجۇزۋ باسسەينى مەن دەنە شىنىقتىرۋ-ساۋىقتىرۋ كەشەنى سالىنعان.
اتالعان جوبا وساكاروۆ اۋدانىندا ورتالىق جانە كەنتىشىلىك كوشەلەردى اسفالتتاۋ ەسەبىنەن اۆتوجولداردىڭ ساپاسىن ەداۋىر جاقسارتۋعا مۇمكىندىك بەردى. سونداي-اق اۋداندا جەتى الەۋمەتتىك ماڭىزدى جوبا جۇزەگە اسىرىلۋدا. اۋداندىق مەكتەپتە 700-گە جۋىق وقۋشى قوسىمشا بىلىممەن قامتىلعان. سونداي-اق ۆيتسە-پرەمەر «اۋىل – ەل بەسىگى» جوباسىن جوعارى باعالاپ, ەل باسشىلىعىنا العىس بىلدىرگەن نۇرا جانە وساكاروۆ اۋداندارىنىڭ تۇرعىندارىمەن كەزدەستى. جالپى, ەرالى توعجانوۆ وبلىس اكىمدىگىنىڭ اۋىلداعى ءومىر ساپاسىن جاقسارتۋ بويىنشا جۇرگىزىپ جاتقان جۇمىسىنا وڭ باعا بەردى.
پرەمەر-ءمينيستردىڭ ورىنباسارى «اۋىل – ەل بەسىگى» جوباسىن ىسكە اسىرۋ ەلدەگى دامۋ الەۋەتى جوعارى اۋىلداردىڭ الەۋمەتتىك جانە ينجەنەرلىك ينفراقۇرىلىمىن جاڭعىرتۋعا مۇمكىندىك پەن اۋىلدىق اۋماقتاردى دامىتۋعا جاڭا سەرپىن بەرەتىنىن جانە جالپى ەل ەكونوميكاسىنا وڭ اسەر ەتەتىنىن اتاپ ءوتتى.
