قازىردىڭ وزىندە قۇجاتتىڭ تۇپنۇسقاسىن ۇسىنا المايتىن ازاماتتارعا ارنالعان قىزمەت Beeline ۇيالى بايلانىس وپەراتورىنىڭ قىزمەت كورسەتۋ ورتالىقتارىندا قولجەتىمدى. بۇل ءۇشىن كليەنتتىڭ سمارتفونىندا ەلەكتروندى ۇكىمەتتىڭ eGov mobile ءموبيلدى قوسىمشاسى بولۋى كەرەك. اتالعان قوسىمشانى اشقاننان كەيىن «تسيفرلى قۇجاتتار» ءبولىمىن تاڭداپ, اۆتوريزاتسيالاۋدان ءوتۋ كەرەك. قوسىمشاعا بيومەتريا نەمەسە ءبىر رەتتىك SMS قۇپيا ءسوزى ارقىلى قوسىلۋعا بولادى. اۆتوريزاتسيادان كەيىن اشىلعان تەرەزەدە جەكە كۋالىكتى تاڭداپ, «رۇقساتتى اشۋ» باتىرماسىن باسۋ قاجەت.
پروتسەدۋرانى ورىنداۋ ءۇشىن Beeline ۇيالى بايلانىس وپەراتورىنىڭ مەنەدجەرى QR كودىن سكانەرلەيدى جانە بيومەتريالىق دەرەكتەر ارقىلى كليەنتتىڭ جەكە باسىن كۋالاندىرادى.
– مەملەكەتتىك قىزمەتتەردى كورسەتۋدەگى ىڭعايلىلىق, قاۋىپسىزدىك جانە تيىمدىلىك بۇگىندە باسىمدىققا اينالدى. بۇعان دەيىن كەيبىر قالالاردىڭ بانكتەرى مەن اۋەجايلارى تسيفرلى قۇجاتتاردى قابىلداي باستادى, بۇگىندە بۇل فۋنكتسيا ءبىر ۇيالى بايلانىس وپەراتورىندا قولجەتىمدى, الايدا مينيسترلىك بارلىق قاۋىپسىزدىك پارامەترلەرىنە سايكەس كەلەتىن ءىرى كومپانيالار مەن ۇيالى بايلانىس وپەراتورلارى ءۇشىن اشىق, – دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
قازىرگى ۋاقىتتا تسيفرلى قۇجاتتار قىزمەتىندە 18 قۇجات تىركەلگەن. ولاردىڭ ىشىندە ەڭ تانىمالدارى – جەكە كۋالىك, جۇرگىزۋشى كۋالىگى, ەكپە تولقۇجاتى, پتر سىناعى جانە تۋ تۋرالى كۋالىك. بۇعان دەيىن قازاقستاندىقتار تسيفرلى قۇجاتتاردى اۋەجايلاردا, تەمىر جول ۆوكزالىنداعى ۆاگونداردا, بانكتەر مەن نوتاريۋس قىزمەتتەرىنە جۇگىنگەن كەزىندە پايدالانۋعا مۇمكىندىك العان ەدى. جۇيەنىڭ ينتەگراتسيالانۋى مينيسترلىك, «ۇلتتىق اقپاراتتىق تەحنولوگيالار» اق جانە Beeline قازاقستان كومەگىمەن جۇرگىزىلگەن.
