ايماقتار • 28 قازان، 2021

جالعان شوت-فاكتۋرا شىعارۋمەن اينالىسقان قىلمىستىق توپ انىقتالدى

35 رەت كورسەتىلدى

شىمكەنتتە قىلمىستىق توپ مەملەكەتكە 1،9 ملرد تەڭگەگە زالال كەلتىردى. قىلمىستىق قولما-قول اقشاعا يە بولۋ ماقساتىندا جالعان فيرمالار كوپتەگەن زاڭسىز سحەمالاردى قولدانادى. سول ارقىلى جوسىقسىز كومپانيالارعا سالىق تولەۋدەن جالتارۋعا كومەك كورسەتكەن، دەپ حابارلايدى Egemen.kz قارجىلىق مونيتورينگ اگەنتتىگىنە سىلتەمە جاساپ.

اگەنتتىكتىڭ شىمكەنت قالاسى بويىنشا اۋماقتىق دەپارتامەنتى 13 ادامنان قۇرالعان قىلمىستىق توپتى انىقتادى. توپتىڭ قۇرامىندا ا.قۇربانوۆ، ي.رۋزاحۋنوۆ، ن.مامىربەكوۆ، د. سمورودين، م. زيەمۇحامەدوۆ، ا. ماسلوۆ، ب.ماماتقالىقوۆ، پ. جوراباەۆ، ي. كوندراتەۆ، ا. كليۋچنيكوۆ، ر.حينيزوۆ، ب. ابىلايحانوۆ، ا. ششەبەلنيكوۆ بولعان.

«تەرگەۋ بارىسىندا 2019-2020 جىلدار ارالىعىندا قىلمىستىق توپ قولما-قول اقشاعا اۋداراتىن 18 فيرما اتىنان جالعان شوت-فاكتۋرا شىعارۋمەن اينالىسقانى انىقتالدى. وسى جىلدار ىشىندە بۇل فيرمالاردىڭ زاڭسىز اينالىمى 8،3 ميلليارد تەڭگەگە جەتكەن. ونىڭ ىشىندە كومپانيالاردىڭ بانك شوتتارىنان 3،6 ميلليارد تەڭگە قولما-قول اقشاعا اينالدىرىلدى»، دەلىنگەن حابارلامادا.

ۆەدومستۆونىڭ مالىمەتىنشە، 18 كومپانيانىڭ كاسىپكەرلىك قىزمەتتى جۇزەگە اسىرۋ ءۇشىن قاجەتتى وندىرىستىك-تەحنيكالىق بازاسى، قىزمەتكەرلەر شتاتى جانە قويماسى بولماعان. قىلمىستىق ارەكەتتەردىڭ ناتيجەسىندە مەملەكەتكە تولەنبەگەن سالىق تۇرىندە 1،9 ميلليارد تەڭگەدەن استام زالال كەلتىرىلگەن.

اگەنتتىكتىڭ مالىمەتىنشە، توپ مۇشەلەرى ءارتۇرلى مەرزىمگە 2 جىلدان 4 جىلعا دەيىن باس بوستاندىعىنان ايىرىلدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار