وقيعا • 28 قازان، 2021

پاۆلوداردا جاس جىگىتتى ۇرلادى دەگەن كۇدىكتى ۇستالدى

28 رەت كورسەتىلدى

پوليتسەيلەر پاۆلوداردا 21 جاستاعى جىگىتتى ۇرلاپ كەتكەن ءتورت ادامدى ۇستادى. ولاردىڭ اۆتوكولىگىن قاراعاندى وبلىسىنىڭ ءبىر اۋىلىنىڭ ماڭىنان تاپتى، دەپ حابارلايدى Egemen.kz.

تاكسي جۇرگىزۋشىسى 25 قازاندا كەشكە ادام ۇرلانعانىن حابارلادى. ونىڭ ايتۋىنشا، ءتورت جىگىت ونىڭ جولاۋشىسىن باسقا كولىككە وتىرعىزىپ، بەلگىسىز باعىتقا الىپ كەتكەن.

«تاكسي جۇرگىزۋشىسىنىڭ ايتۋى بويىنشا باعىتتى انىقتادىق. دەرەۋ «ۇستاپ الۋ» جوسپارى ەنگىزىلىپ، ءوڭىردىڭ جەكە قۇرامى مەن جاقىن ماڭداعى وبلىستاردىڭ پوليتسيا دەپارتامەنتتەرى جۇمىلدىرىلدى»، دەپ حابارلادى پوليتسيادان.

«جەدەل-ىزدەستىرۋ ءىس-شارالارىن جۇرگىزۋ ناتيجەسىندە 26 قازاندا ساعات 01.20 شاماسىندا قاراعاندى وبلىسى مولودەجنوە اۋىلىنىڭ ماڭىندا كۇدىكتى كولىكتى پاۆلودار جانە قاراعاندى وبلىستارىنىڭ پوليتسيا قىزمەتكەرلەرى ۇستادى. 2000-2001 جىلدارى تۋعان ءتورت كۇدىكتى ۇستالدى. اۆتوكولىك ارنايى ايىپ تۇراعىنا قويىلدى»، دەدى ءماسىموۆ.

بۇل دەرەك بويىنشا قىلمىستىق كودەكستىڭ 125-بابى 2-تارماعى 1-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ءىستىڭ ءمان-جايى مەن سەبەپتەرى انىقتالۋدا.

تەرگەۋ جۇرگىزىلىپ جاتقان «ادام ۇرلاۋ» بابىنىڭ سانكتسياسى 4 جىلدان 7 جىلعا دەيىنگى مەرزىمگە باس بوستاندىعىنان ايىرۋدى كوزدەيدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار