ەلوردا • 27 قازان، 2021

ماجار تۇركولوگى ارميني ۆامبەريگە ارنالعان كونفەرەنتسيا ءوتتى

48 رەت كورسەتىلدى

بۇگىن ەلوردادا حالىقارالىق تۇركى اكادەمياسىنىڭ ۇيىمداستىرۋىمەن ماجارستاننىڭ قازاقستان رەسپۋبليكاسىنداعى ەلشىلىگى جانە نازارباەۆ ۋنيۆەرسيتەتى بىرلەسىپ كورنەكتى ماجار تۇركولوگى ارميني ۆامبەريگە «ارميني ۆامبەري – ورتالىق ازياداعى تۇركى حالىقتارىن زەرتتەگەن العاشقى ماجار عالىم» اتتى حالىقارالىق كونفەرەنتسيا ءوتتى، دەپ حابارلايدى Egemen.kz.

قر ۇلتتىق اكادەميالىق كىتاپحاناسىندا وتكەن جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، ماجارستان ەلشىلىگىنىڭ ۋاقىتشا سەنىمدى وكىلى انيكو دەنگە، قىرعىز رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى داستان ديۋشەكەەۆ، وزبەكستان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى سايديكرام نيازحودجاەۆ، ازەربايجان، وزبەكستان، تۇركيا، ماجارستان، پولشا ەلدەرىنىڭ ديپلوماتيالىق ميسسيا وكىلدەرى، قازاقستان سىرتقى ىستەر مينيسترلىگىنىڭ وكىلدەرى، نازارباەۆ ۋنيۆەرسيتەتىنىڭ قازاق ءتىلى جانە تۇركولوگيا كافەدراسىنىڭ مەڭگەرۋشىسى يۋلاي شاميلوعلى، سونىمەن قاتار، نازارباەۆ ۋنيۆەرسيتەتى مەن ل.ن. گۋميلەۆ اتىنداعى ەۋرازيا ۋنيۆەرسيتەتىنىڭ پروفەسسورلارى مەن ستۋدەنتتەرى قاتىستى.

جيىن بارىسىندا حالىقارالىق تۇركى اكادەمياسى شىعارعان ارميني ۆامبەريدىڭ «پۋتەشەستۆيە پو سرەدنەي ازي» اتتى كىتابى تانىستىرىلدى. «تۇركىستان» سەرياسى اياسىندا جارىق كورگەن بۇل ەڭبەكتە ايگىلى ساياحاتشى تۇركىستان حالىقتارىنىڭ تاريحى مەن مادەنيەتى، ەتنوگرافياسى مەن گەوگرافياسى تۋرالى ەگجەي-تەگجەيلى جازعان. بۇل ەڭبەك العاش 1865 جىلى سانكت-پەتەربۋرگتە ورىس تىلىندە جارىق كورىپ، كەيىن تۇركىستان گەنەرال-گۋبەرناتورى ك.پ.كاۋفماننىڭ باستاماسىمەن ازىرلەنگەن ايگىلى «تۇركىستان» جيناعانىڭ 12-تومىنا ەنگەن. تۇركى اكادەمياسى تۇركولوگتىڭ اتالمىش ەڭبەگىن تۇپنۇسقاعا سايكەس قايتا جاريالادى.

و

ءىسشارا اياسىندا ارميني ۆامبەريدىڭ ءومىرى مەن قىزمەتىنە ارنالعان كورمە ۇيىمداستىرىلدى. كورمەنى ماجارستان عىلىم اكادەمياسىنان ارنايى شاقىرىلعان بەلگىلى ماجار تۇركىتانۋشىسى داۆيد شومفاي تانىستىردى.

و

ارميني ۆامبەري – ماجار تۇركولوگياسىنىڭ نەگىزىن قالاۋشىلاردىڭ ءبىرى رەتىندە سانالى عۇمىرىن عىلىمعا ارناعان عالىم. ول ورتا ازيا ەلدەرىنە ساياحات جاساعان زەرتتەۋشى رەتىندە تانىلدى.

بۇدان باسقا، عالىمنىڭ «ەتنولوگيالىق جانە ەتنوگرافيالىق تۇرعىدان تۇرىك ناسىلدەرى»،  «ماجار  جانە تۇرك-تاتار ءسوز كەلىسىمدەرى»، «ۇيعىر تىلىندەگى ەسكەرتكىشەر مەن قۇتادعۇ بىلىك»، «تۇرك-تاتار تىلدەرىنىڭ ەتيمولوگيالىق سوزدىگى»، «ماجارلاردىڭ شىعۋ تەگى»، «شايبانينامە – وزبەك باتىرلىق جىرى»، «موڭعوليا مەن سىبىردەگى كونە تۇركى جازبالارى» اتتى قۇندى عىلىمي ەڭبەكتەرى بار.

ك

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار