بيزنەس • 27 قازان، 2021

ماجارستان قازاقستاندا بىرقاتار جوبالاردى جۇزەگە اسىرۋعا دايىن

26 رەت كورسەتىلدى

ماجارستان پرەمەر-ءمينيسترىنىڭ ورىنباسارى - قارجى ءمينيسترى ميحاي ۆارگانىڭ قازاقستانعا ساپارى اياسىندا وتكەن قازاقستان-ۆەنگريا ينۆەستيتسيالىق بيزنەس-فورۋمىندا ينۆەستيتسيالىق مۇمكىندىكتەر، سونداي-اق ىنتىماقتاستىقتىڭ ارتىقشىلىقتارى مەن ساۋدا-ەكونوميكالىق ارىپتەستىكتى ودان ءارى ىلگەرىلەتۋدىڭ پەرسپەكتيۆالارى تانىستىرىلدى، دەپ حابارلايدى Egemen.kz.

اتالعان ءىس-شارانىڭ جۇمىسىنا ەكى ەلدىڭ ىسكەر توپتارى مەن بيزنەس-قوعامداستىقتارىنىڭ 80-نەن استام وكىلدەرى قاتىستى. بيزنەس-فورۋم قر سىرتقى ىستەر مينيسترلىگى، ۆەنگريانىڭ ساۋدا-ونەركاسىپ پالاتاسى، «اتامەكەن»  قر ۇكپ، سونداي-اق «KAZAKH INVEST» ۇك» اق ۇيىمداستىرۋىمەن ءوتتى.

فورۋمدى اشقان قر ۇلتتىق ەكونوميكا ءممينيسترى اسەت ەرعاليەۆ قازاقستان مەن ماجارستان اراسىنداعى سەنىمدى قارىم-قاتىناستار ەكونوميكالىق ءوزارا ءىس-قيمىلدى دامىتۋ ءۇشىن قولايلى جاعداي تۋعىزاتىنىن ايتتى. مينيستر ماجار كاسىپكەرلەرىن قازاقستاندا ينۆەستيتسيالىق جوبالاردى ىسكە اسىرۋعا بەلسەندى قاتىسۋعا جانە ءوزارا قارىم-قاتىناستاردى دامىتۋ ءۇشىن جاڭا نىسانداردى بىرلەسىپ ىزدەۋگە، سونداي-اق قر اۋماعىندا ينۆەستيتسيالىق جوبالاردى ىسكە اسىرۋ كەزىندە «KAZAKH INVEST» ۇلتتىق كومپانياسىنىڭ، ارنايى ەكونوميكالىق جانە يندۋستريالىق ايماقتاردىڭ مۇمكىندىكتەرىن پايدالانۋعا شاقىردى.

ء«بىز قازاقستاندى ۇلكەن ەكونوميكالىق ناتيجەلەرگە قول جەتكىزگەن ەل دەپ سانايمىز. ءبىزدىڭ ەكىجاقتى بايلانىستارىمىزعا وتە قۋانىشتىمىز. ۆەنگريا الداعى ۋاقىتتا دا قازاقستانعا قاتىستى اشىق جانە ەكونوميكالىق ىنتىماقتاستىق مۇمكىندىكتەرىن ىزدەيدى»، دەپ اتاپ ءوتتى ۆەنگريا پرەمەر-ءمينيسترىنىڭ ورىنباسارى ميحاي ۆارگا.

فورۋم اياسىندا سپيكەرلەر رەتىندە ۆەنگر ساۋدا-ونەركاسىپ پالاتاسىنىڭ پرەزيدەنتى لاسلو فاراگو، ماجار-قازاقستان ىسكەرلىك كەڭەسىنىڭ تەڭ توراعاسى لاسلو حورۆات، سونداي-اق «KAZAKH INVEST» ۇك» اق باسقارما توراعاسى مەيىرجان يۋسۋپوۆ ءسوز سويلەدى.

1

«KAZAKH INVEST» ۇك» اق باسقارما توراعاسى مەيىرجان يۋسۋپوۆ ۆەنگر سەرىكتەستەرىنە قازاقستان رەسپۋبليكاسىنىڭ ينۆەستيتسيالىق الەۋەتىن تانىستىرىپ، قازاقستان مەن ۆەنرگيا اراسىنداعى ەكىجاقتى قاتىناستاردى تەرەڭدەتۋدىڭ ماڭىزدىلىعىنا توقتالدى.

«ۆەنگريا - قازاقستاننىڭ ەۋروپاداعى نەگىزگى سەرىكتەستەرىنىڭ ءبىرى. كوپتەگەن سەكتورلارداعى ءوزارا سينەرگيانى ەسكەرە وتىرىپ، ءبىزدىڭ ەكونوميكالىق ىنتىماقتاستىعىمىزدى دامىتۋ ءۇشىن جوعارى الەۋەت بار. سوندىقتان ءبىزدىڭ ارىپتەستىگىمىزدىڭ باسىم باعىتتارىن، بولاشاققا جوسپارلاردى، اوك، ماشينا جاساۋ، ەنەرگەتيكا، ينفراقۇرىلىم، دەنساۋلىق ساقتاۋ، فارماتسەۆتيكا جانە ت.ب. سياقتى ەكونوميكانىڭ نەگىزگى سالالارىنداعى قازاقستانداعى ناقتى بىرلەسكەن جوبالاردى تالقىلاۋ ءۇشىن ءبىزدىڭ ءتىرى فورماتتاعى كەزدەسۋىمىزدى وتە ماڭىزدى دەپ سانايمىن»، دەدى ۇلتتىق كومپانيا باسشىسى مەيىرجان يۋسۋپوۆ.

فورۋمدى قورىتىندىلاي كەلە، «KAZAKH INVEST» ۇك» اق باسقارما توراعاسىنىڭ ورىنباسارى جاندوس تەمىرعالي «Globalia Kft» جانە «ANM Group» كومپانيالارىمەن ىنتىماقتاستىق تۋرالى ۇشجاقتى مەموراندۋمعا قول قويدى. مەموراندۋم اياسىندا ينۆەستورلار 50 ملن اقش دوللاردان استام سوماعا سەس سالۋدى جوسپارلاپ وتىر. 

فورۋم اياسىندا قوس ەلدىڭ كاسىپكەرلەرى اراسىندا ەكى جاقتى كەزدەسۋلەر وتكىزىلدى، وندا اوك، ەنەرگەتيكا، قۇرىلىس، حيميا سالاسى جانە ماشينا جاساۋ سالاسىنداعى ىنتىماقتاستىق ماسەلەلەرى تالقىلاندى.

ايتا كەتسەك، بۇگىندە ەلىمىزدە ۆەنگر كاپيتالىنىڭ قاتىسۋىمەن 30-دان استام كاسىپورىن جۇمىس ىستەيدى.

2

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار