ۇكىمەت • 27 قازان، 2021

ماجىلىستە «ادام قۇقىقتارى جونىندەگى ۋاكىل تۋرالى» زاڭ جوباسى قابىلداندى

21 رەت كورسەتىلدى

ءماجىلىستىڭ جالپى وتىرىسىندا «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭنىڭ جوباسى ءبىرىنشى وقىلىمدا قابىلداندى، دەپ جازادى Egemen.kz.

«زاڭ جوباسىن دايىنداۋ كەزىندە حالىقارالىق تاجىريبەنى، ەڭ الدىمەن پاريج، ۆەنەتسيانىڭ پرينتسيپتەرى مۇقيات زەرتتەلدى. سونداي-اق الىس جانە جاقىن شەتەلدەردەگى ادام قۇقىقتارى ۋاكىلى جونىندەگى قىزمەتىنىڭ زاڭنامالىق نەگىزى مەن پراكتيكاسى پايدالى بولدى»، دەدى سەنات توراعاسىنىڭ ورىنباسارى.

زاڭ جوباسىنىڭ نەگىزگى ەرەجەلەرى:

  • ۋاكىلدىڭ مارتەبەسىنە، ونىڭ قىزمەتىنىڭ قاعيداتتارىنا، ياعني ادام مەن ازاماتتىڭ قۇقىقتارى مەن بوستاندىقتارىنىڭ مۇددەسىندە زاڭدىلىق، اشىقتىق پرينتسيپتەرى ەرەكشە ءمان بەرىلەدى. ادام قۇقىقتارى جونىندەگى ۋاكىلگە، ونىڭ قىلمىستىق جاۋاپتىلىعىنا نەمەسە اكىمشىلىك جاۋاپكەرشىلىگىنە قولسۇقپاۋشىلىق مارتەبەسى بەرىلەدى. وسىعان بايلانىستى ونى جاۋاپكەرشىلىككە تارتۋدىڭ جاڭا ءتارتىبى ەنگىزىلەدى. سونداي-اق ۋاكىل كۋا رەتىندە ايعاقتار بەرۋدەن بوساتىلادى.
  • ادام قۇقىقتارى جونىندەگى ۋاكىلدىڭ ادام مەن ازاماتتىڭ بۇزىلعان قۇقىقتارىن قالپىنا كەلتىرۋ جونىندەگى وكىلەتتەرى كەڭەيتىلەدى. ءوتىنىش بەرۋشىنىڭ بۇزىلعان قۇقىقتارىن قالپىنا كەلتىرۋ ءۇشىن قابىلدانۋعا ءتيىستى شارالارعا قاتىستى مەمورگاندارعا نەمەسە لاۋازىمدى ادامدارعا ۇسىنىستار جولداۋ، ت.ب.
  • مازمۇندىق تۇرعىدان ۋاكىلگە ادام مەن ازاماتتىڭ قۇقىقتارى مەن بوستاندىقتارىنىڭ بۇزىلۋى تۋرالى اقپاراتتى زەردەلەۋ، تالداۋ، شاعىمداردى قاراۋ قورىتىندىلاۋ فۋنكتسيالارى جۇكتەلەدى.
  • زاڭ جوباسىندا ۋاكىلدىڭ وڭىردەگى وكىلىنىڭ مارتەبەسى مەن قىزمەتى بەكىتىلەدى.«بۇل زاڭ جوباسى حالىقارالىق، وتاندىق قۇقىق قورعاۋ ۇيىمدارى مەن ساراپشىلارى شاقىرىلىپ، ادام قۇقىقتارى جونىندەگى ۋاكىلىنىڭ جانىنداعى ساراپشىلىق كەڭەس شەڭبەرىندە، سەناتتا وتكىزىلگەن دوڭگەلەك ۇستەلدە جانە ماجىلىستە تالقىلاندى. زاڭ جوباسى ۆەنەتسيا كوميسسياسىنىڭ قاراۋىنا جىبەرىلدى»، دەپ ءتۇسىندىردى اسقار شاكىروۆ.

ونىڭ ايتۋىنشا، بۇل زاڭ جوباسىن قابىلداۋ تەرىس جانە وزگە دە جاعىمسىز الەۋمەتتىك-ەكونوميكالىق جانە قۇقىقتىق سالدارعا اكەلمەيدى. بۇل ادامنىڭ جانە ازاماتتىڭ كونستيتۋتسيامەن كەپىلدىك بەرىلگەن نەگىزگى قۇقىقتارى مەن بوستاندىعىن قامتاماسىز ەتۋگە باعىتتالعان. دەموكراتيالىق پروتسەستەردى دامىتۋدى كۇشەيتۋگە، سونداي-اق ادام قۇقىقتارى جونىندەگى ۋاكىلدىڭ ينستيتۋتى تيىمدىلىگىن ارتتىرۋعا مۇمكىندىك بەرەدى.

ءماجىلىستىڭ جالپى وتىرىسىندا دەپۋتاتتار زاڭ جوباسىنا قولداۋ ءبىلدىرىپ، جوبانى قابىلدادى.

سوڭعى جاڭالىقتار

قارسىلاسىن 7 راۋند بويى سابادى

كاسىپقوي بوكس • بۇگىن، 10:32

يندونەزيادا جەر سىلكىندى

الەم • بۇگىن، 09:32

ءۇشىنشى جەڭىلىس

جەكپە-جەك • بۇگىن، 09:02

جوسپارىن جوققا شىعاردى

كاسىپقوي بوكس • كەشە

ۇزدىك وندىقتا گولوۆكين جوق

كاسىپقوي بوكس • كەشە

جەكپە-جەكسىز وتكەن العاشقى جىل

كاسىپقوي بوكس • كەشە

ۇقساس جاڭالىقتار