«بيىل وڭىردەگى ەسىرتكى قىلمىسىنا قارسى ءىس-قيمىل بولىمشەلەرى 130 ەسىرتكى قىلمىسىن تىركەدى. ونىڭ ىشىندە 85 وتكىزۋ فاكتىسى, اسا ءىرى مولشەردە ساقتاۋدىڭ 15 فاكتىسى, كونتراباندانىڭ 30 فاكتىسى جانە قۇرامىندا ەسىرتكى بار وسىمدىكتەردى ءوسىرۋدىڭ 2 فاكتىسى تىركەلگەن. زاڭسىز اينالىمنان 106 كەلىدەن استام ءتۇرلى ەسىرتكى قۇرالدارى تاركىلەندى», دەدى باسقارما وكىلى.
قوستانايداعى بولىمشەلەردىڭ قىزمەتكەرلەرى كۇن سايىن تىيىم سالىنعان پسيحوبەلسەندى زاتتاردى جارنامالاۋعا جانە ساتۋعا تارتىلعان سايتتاردى انىقتاۋ تۇرعىسىنان ينتەرنەت رەسۋرستارعا مونيتورينگ جۇرگىزەدى. انىقتالعان رەسۋرستاردى بۇعاتتاۋ تۋرالى ماسەلەنى قاراۋ ءۇشىن قر ءىىم كقپد-عا ورتالىقتاندىرىلىپ جىبەرىلەدى.
