كاسىپقوي بوكس • 26 قازان، 2021

ەربوسىن ۇلىن اۋىر سىناق كۇتىپ تۇر

166 رەت كورسەتىلدى

ەكىنشى ورتا سالماق دارەجەسىندە باق سىناپ جۇرگەن قازاقستاندىق كاسىپقوي بوكسشى ايدوس ەربوسىن ۇلىن اۋىر سىناق كۇتىپ تۇر، دەپ حابارلايدى Egemen.kz

شارشى الاڭدا 15 كەزدەسۋ وتكىزىپ، قارسىلاستارىنىڭ بارلىعىنان ايلاسىن اسىرعان قازاقستاندىق بىلعارى قولعاپ شەبەرى ايدوس ەربوسىن ۇلى كەلەسى جىلى الەمنىڭ ەكس-چەمپيونى، رەسەيلىك فەدور چۋدينوۆپەن قولعاپ ءتۇيىستىرۋى ىقتيمال. كاسىپقوي رينگتە شىن مىقتىلارمەن جۇدىرىقتاسىپ كورمەگەن ايدوس ءۇشىن فەدور چۋدينوۆ وڭاي قارسىلاس بولمايتىنى انىق.

ەكس الەم چەمپيونىن ايدوستىڭ بۇرىنعى قارسىلاستارىمەن سالىستىراتىن بولساق، كادىمگىدەي وزگە عالامشارلىق دەۋگە دە بولادى. ويتكەنى ول ءالى دە مىقتى بوكسشى. تاجىريبەسى دە جەتكىلىكتى. ەگەر بۇل اقپارات رەسمي راستالسا، چۋدينوۆ قازاق ساڭلاعى ءۇشىن جاڭا دەڭگەيدەگى قارسىلاس بولاتىنى تۇسىنىكتى.

ء«تۇن قاسقىرى» دەگەن لاقاپ اتى بار چۋدينوۆ ەكىنشى ورتا سالماقتا WBA تۇجىرىمى بويىنشا الەم چەمپيونى اتاعىن ەكى جىل بويى ساقتاعان. «مەن ارتىق ءسوز ايتپايمىن. رينگتە مەن ءۇشىن جۇدىرىقتارىم سويلەيدى» دەگەن ۇستانىمداعى ونىڭ قورعانىسى دا مىعىم، امەريكالىق ستيلدە جاقسى جۇدىرىقتاسادى.

ەگەر وتانداسىمىز چۋدينوۆپەن كەزدەسەتىن بولسا، مىقتاپ دايىندالۋى كەرەك. چۋدينوۆ – ەربوسىن ۇلىنىڭ قاي دەڭگەيدەگى بوكسشى ەكەنىن انىقتاپ بەرە الادى. شارشى الاڭدا جولدارى ءتۇيىسىپ، جەڭىسكە جەتسە، ايدوس ءوز سالماعىنىڭ مىقتىلارىمەن جۇدىرىقتاسۋعا دايىن دەگەن ءسوز.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار