ەكولوگيا • 26 قازان، 2021

بيىل شەگىرتكەمەن كۇرەسكە بيۋدجەتتەن 2،4 ملرد تەڭگە ءبولىندى

101 رەت كورسەتىلدى

بۇل تۋرالى قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ الاڭىندا وتكەن ءباسپاسوز كونفەرەنتسياسى بارىسىندا اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ توراعاسى المابەك مارس حابارلادى. ونىڭ ايتۋىنشا، ەلىمىزدە شەگىرتكەلەرمەن كۇرەسۋگە ەرەكشە كوڭىل بولىنەدى، دەپ جازادى Egemen.kz.

شەگىرتكە جانە كارانتيندىك زيانكەستەرگە قارسى كۇرەس، ەگىستىكتەردى اسا قاۋىپتى زياندى ورگانيزمدەردەن قورعاۋ جونىندەگى اعىمداعى جاعدايدىڭ قالاي جۇرگىزىلىپ جاتقانىنا توقتالدى.

«رەسپۋبليكا اۋماعىندا ەرەكشە قاۋىپتى ورگانيزمدەردىڭ 11 ءتۇرى، زياندى ورگانيزمدەردىڭ 5 ءتۇرى جانە كارانتيندىك وبەكتىلەردىڭ 14 ءتۇرى تارالعان. ال بيىل ءۇيىرلى شەگىرتكەلەر 640،8 مىڭ گا الاڭدا تارالعان. ونىڭ ىشىندە يتالياندىق پرۋس - 384،7 مىڭ گا، ازيالىق شەگىرتكەلەر – 142،0 مىڭ گا جانە ماروككو شەگىرتكەلەرى – 114،1 مىڭ گا. سونىمەن قاتار ساياق شەگىرتكە زيانكەستەرى 239،0 مىڭ گا الاڭدا قاپتادى»، دەپ اتاپ ءوتتى المابەك مارس.

سونداي-اق كوميتەت توراعاسى شەگىرتكەلەرمەن كۇرەسكە قانشا قاراجات بولىنگەنىن ايتتى.

«جالپى شەگىرتكەلەرگە قارسى كۇرەسكە رەسپۋبليكالىق جانە جەرگىلىكتى بيۋدجەتتەردەن 2،4 ملرد تەڭگە ءبولىندى. قارجى قۇرالدارى پەستيتسيدتەر مەن حيميالىق وڭدەۋ بويىنشا قىزمەتتەردى بارلىق بولجانعان الاڭعا ساتىپ الۋعا مۇمكىندىك بەردى»، دەدى ۆەدومستۆو باسشىسى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار