تولقۇجات مالىمەتتەرىن ۇسىنۋ قاجەتتىلىگى تۋرالى قاۋەسەت رەسەي فەدەراتسياسى ۇكىمەتىنىڭ بيىلعى 20 قازانداعى قاۋلىسىن دۇرىس تۇسىنبەۋدەن شىققان. بۇل تۋرالى اقپاراتتى رف مەملەكەتتىك دۋماسى جوققا شىعاردى. اقپاراتتىق ساياسات, اقپاراتتىق تەحنولوگيالار جانە بايلانىس كوميتەتىنىڭ توراعاسى الەكساندر حينشتەين «گوۆوريت موسكۆا» راديوسىنىڭ ەفيرىندە ەلدە مۇنداي زاڭ قابىلدانباعانىن مالىمدەدى.
«مەسسەندجەر يەلەرىنە ارنالعان ەرەجەلەر 2018 جىلى شىقتى. قازىر ۇكىمەت جاڭا قاۋلى شىعاردى, ول بويىنشا بايلانىس وپەراتورلارى تەلەفون ءنومىرى بويىنشا راستاۋدى سۇراتۋعا جانە وسىدان كەيىن عانا قىزمەت كورسەتۋگە مىندەتتى», دەدى ول.
دەمەك, ازاماتتاردى مەسسەندجەرلەردى پايدالانۋ ءۇشىن تولقۇجات دەرەكتەرىن ۇسىنۋعا مىندەتتەيتىن جاڭا زاڭ تۋرالى حابارلامالار شىندىققا جاناسپايدى.
