ايماقتار • 26 قازان، 2021

پاۆلوداردا 1600-گە جۋىق ادام اسكەري بورىشىن وتەۋدەن قاشىپ ءجۇر

53 رەت كورسەتىلدى

2021 جىلعى 18-22 قازان ارالىعىندا وڭىردە «اسكەرگە شاقىرىلۋشى» جەدەل الدىن الۋ ءىس-شاراسى وتكىزىلدى، دەپ حابارلايدى Egemen.kz.

بۇل تۋرالى Pavlodarnews.kz ءمالىم ەتتى.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە،  بارلىق شاقىرىلۋشىلار 441 تۇرعىلىقتى جەرى بويىنشا تەكسەرىلدى، 1593 ىزدەۋدە ءجۇر جانە 148 ادام قازاقستان رەسپۋبليكاسىنىڭ باسقا وڭىرلەرىندە انىقتالعان، ولارعا حابارلاما جىبەرىلدى.

«اسكەري مىندەت – قازاقستان رەسپۋبليكاسىنىڭ ءاربىر ازاماتىنىڭ ءوز ەلىن قورعاۋ جونىندەگى مىندەتى جانە قاسيەتتى بورىشى. اسكەرگە شاقىرىلۋشىلاردىڭ ارميادا قىزمەتتەن جالتارۋى وزەكتى بولىپ قالۋدا، ويتكەنى كۇزگى شاقىرۋ بارىسىندا قىزمەتكە جارامدى دەپ تانىلعان كەيبىر جاستار اسكەري قىزمەتتەن جالتارۋدى جالعاستىرۋدا. ءتارتىپ ساقشىلارى قىزمەتتەن جالتارىپ جۇرگەن 24 ادامدى ءوڭىردىڭ قورعانىس بولىمدەرىنە جەتكىزدى. مىسالى، نوۆوچەرنوياركا اۋىلىنىڭ 21 جاستاعى تۇرعىنى تىركەلگەن جەرىندە تۇرمايتىن بولىپ شىقتى. جاس جىگىتتىڭ اناسىمەن بىرگە تۇراتىن ءدامحانالاردىڭ بىرىندە وت جاعۋشى بولىپ جۇمىس ىستەيتىنى انىقتالدى. ول ءوزىنىڭ بۇل ارەكەتىن اسكەرگە بارعىسى كەلمەيتىنىمەن تۇسىندىرگەن»، دەپ حابارلادى دەپارتامەنتتە.

سونداي-اق روجدەستۆەنكا اۋىلىنىڭ 20 جاستاعى تۇرعىنى پاۆلودار قالاسىندا انىقتالسا، بىرلىك اۋىلىنىڭ 23 جاستاعى تۇرعىنى ەكىباستۇز قالاسىنان تابىلعان. قازىرگى ۋاقىتتا جاستار مەديتسينالىق تەكسەرۋدەن وتۋدە.

ايتا كەتەرلىگى، اسكەري مىندەتتى ورىنداۋدان، العاشقى اسكەري ەسەپكە قويۋعا جانە اسكەري قىزمەتكە شاقىرۋعا بايلانىستى ءىس-شارالارعا قورعانىس ىستەرى جونىندەگى بولىمگە، شاقىرۋ كوميسسياسىنا كەلۋدەن، اسكەرلەرگە جونەلتۋدەن جانە مەديتسينالىق تەكسەرۋدەن وتۋدەن جالتارعان ازاماتتار ىزدەستىرىلەدى. اسكەري ەسەپتەن شىقپاعان جانە جاڭا تۇرعىلىقتى جەرى بويىنشا اسكەري ەسەپكە ۋاقىتىلى تۇرماعان ازاماتتار دا ىزدەستىرىلۋدە.

وسىعان بايلانىستى اسكەري ەسەپكە الۋ قاعيدالارىن بۇزعان، اسكەري قىزمەتكە شاقىرۋدان جالتارعان ازامات اكىمشىلىك جاۋاپتىلىققا تارتىلادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار