قوعام • 25 قازان، 2021

كەمەلبەك ويشىباەۆ تۇركيالىق «TRT» باسشىسىمەن كەزدەستى

80 رەت كورسەتىلدى

تۇركى كەڭەسى مەديافورۋمىنىڭ جۇمىسى اياسىندا قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ تۇركيانىڭ ءىرى مەملەكەتتىك مەدياحولدينگى «TRT» باسشىسى مەحمەت سوبادجيمەن كەزدەستى، دەپ حابارلايدى Egemen.kz.

كەمەلبەك ويشىباەۆ مەديا سالاسى ماماندارىن وقىتۋدى ۇيىمداستىرۋ جانە بىرلەسكەن كونتەنت قۇرۋ سالاسىنداعى ىنتىماقتاستىقتى ودان ءارى دامىتۋ قاجەتتىگىنە نازار اۋداردى.

ءوز كەزەگىندە م.سوبادجي «قورقىت اتا» تەلەسەريالىن ءتۇسىرۋدى ۇيىمداستىرۋ بويىنشا بىرلەسكەن جوبا قۇرۋدى تولىق زەردەلەۋگە دايىن ەكەنىن ءبىلدىردى. ول بىرلەسكەن كونتەنتتى قۇرۋ قازاقستان مەن تۇركيا حالىقتارىنىڭ مادەني بايلانىستارىن دامىتۋعا، سونداي-اق ءتۋريزمدى دامىتۋعا ىقپال ەتەتىنىن اتاپ ءوتتى.ە

ەستەرىڭىزگە سالا كەتەيىك، 2021 جىلدىڭ 22-24 قازان ارالىعىندا ىستامبۇلدا قازاقستان، تۇركيا، ءازىربايجان، وزبەكستان، قىرعىزستان، تۇركىمەنستان جانە ماجارستان مەملەكەتتىك ورگاندارى وكىلدەرىنىڭ، اقپارات سالاسىنداعى باسشىلار مەن ساراپشىلاردىڭ، عالىمداردىڭ، جۋرناليستەردىڭ، بلوگەرلەر مەن قوعام بەلسەندىلەرىنىڭ قاتىسۋىمەن تۇركى كەڭەسىنىڭ مەديافورۋمى ءوتتى.

فورۋمنىڭ كۇن تارتىبىندە – تۇركى الەمىنىڭ دامۋ پەرسپەكتيۆالارىنا، كينويندۋسترياعا، الەۋمەتتىك جەلىلەرگە جانە وسكەلەڭ ۇرپاقتى تاربيەلەۋگە قاتىستى ماسەلەلەر تالقىلاندى.

فورۋم جۇمىسىنا قازاقستان دەلەگاتسياسىنىڭ قۇرامىندا قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ، قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا، ەلىمىزدىڭ جەتەكشى باق باسشىلارى: ءلاززات تانىسباي («قازاقستان» رترك)، ەلدوس ناشيرالي (قازاقپارات)، «قازاقفيلم» اق پرەزيدەنتى اقان ساتاەۆ، قوعام قايراتكەرى توعجان قوجاليەۆا، اكتريسا الميرا تۇرسىن جانە ت.ب. قاتىستى.

فورۋم تانىمال تۇرىك تاريحي سەريالدارى تۇسىرىلگەن پلاتفورماعا ەكسكۋرسيامەن اياقتالدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار