ايماقتار • 25 قازان، 2021

سوت شەشىمىنە باعىنباعان وزبەكستان ازاماتتارى ۇستالدى

302 رەت كورسەتىلدى

الماتىدا ەلدەن شىعارۋ تۋرالى سوت شەشىمىن ورىنداماعان وزبەكستان ازاماتتارى ۇستالدى، دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.

ولاردىڭ ءبىرى - الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن جىل باسىندا قر اقبك-ءنىڭ 517 بابى 4 بولىگى 5 جىل مەرزىمگە قر شەگىنەن اكىمشىلىك جولمەن شىعارىپ جىبەرۋ تۇرىندەگى اكىمشىلىك جاۋاپكەرشىلىككە تارتىلعان 1984 جىلى تۋعان ا.ەسىمدى ازامات.

«الايدا، بۇل تالاپتى قۇقىق بۇزۋشى ورىندامادى، سودان كەيىن سوت قازاقستان رەسپۋبليكاسىنان ماجبۇرلەپ شىعارۋمەن قوزعالىس ەركىندىگىنە شەكتەۋلەر قولدانۋ تۋرالى شەشىم شىعاردى.

سونىمەن قاتار زاڭدى ەلەمەگەن قانداستارىمىزعا قاتىستى دا اكىمشىلىك شارالار قولدانىلدى. شەتەلدىكتەردىڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قابىلداماعانى ءۇشىن قابىلداۋشى 235 ادام جاۋاپكەرشىلىككە تارتىلدى، ال، شەتەلدىك جۇمىس كۇشىن تارتۋ ەرەجەسىن بۇزعانى ءۇشىن 24 جۇمىس بەرۋشىگە ايىپپۇل سالىندى»، دەدى الماتى قالالىق پد كوشى-قون قىزمەتى باسقارماسى باستىعىنىڭ ورىنباسارى، پوليتسيا پولكوۆنيگى گەننادي مەن.

ەستەرىڭىزگە سالا كەتەيىك، الماتىدا «كەلىمسەك» الدىن-الۋ ءىس-شاراسى ءوتىپ جاتىر. ءىس-شارانىڭ التى كۇنىنىڭ ىشىندە كوشى-قون زاڭناماسىن بۇزعان 1 مىڭ 295 ادام اكىمشىلىك جاۋاپكەرشىلىككە تارتىلسا، ونىڭ 1 مىڭ 036-سى - شەتەل ازاماتتارى. 58 شەتەل ازاماتى ەلدەن شىعارىلدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار