اباي • 25 قازان، 2021

ۋكراينادا ابايعا ەسكەرتكىش ورناتىلدى

154 رەت كورسەتىلدى

ۋكراينانىڭ حاركوۆ قالاسىندا ۇلى اقىن ابايدىڭ ەسكەرتكىشى ورناتىلدى، دەپ حابارلايدى Egemen.kz.

ەسكەرتكىش «ويشىلدار اللەياسىندا» تريپتيح رەتىندە ورناتىلعان. ەسكەرتكىشتىڭ اۆتورى ۋكراينانىڭ حالىق سۋرەتشىسى سەيفۋتدين گۋربانوۆتىڭ ايتۋىنشا بۇل ەڭبەكتىڭ اتاۋى «تىرشىلىك اعاشى». تريپتيحتە ابايمەن بىرگە ۋكراينانىڭ حالىق اقىنى گريگوري سكوۆورود مەن ازەربايجان اعارتۋشىسى، فيلوسوف مىرزا فاتالي احۋندوۆ بەينەلەنگەن. ەسكەرتكىشتىڭ بيىكتىگى 4 مەتر. اللەيا اۋدانى 2 543 شارشى مەتر.

ساياباق حاركوۆتاعى تابيعاتى ادەمى تانىمال دەمالىس ايماعىندا ورنالاسقان. قازاقستاننىڭ ۋكرايناداعى ەلشىسى دارحان كالەتاەۆ قالا اكىمشىلىگىنە جاقسى باستاماسى ءۇشىن العىس ايتتى. ول تريپتيح باۋىرلاس ەلدەر اراسىنداعى رۋحاني بايلانىسىن تەرەڭدەتە تۇسەتىنىن، ولاردىڭ مادەنيەتى مەن ونەرىنىڭ كەڭىنەن تانىلۋىنا مۇمكىندىك بەرەتىنىن اتاپ ءوتتى.

ەسكەرتكىشتى ورناتۋ جونىندە باستاماشىنىڭ ءبىرى قازاقستاننىڭ حاركوۆتاعى قۇرمەتتى كونسۋلى ەمين ءنادجافليدىڭ ەڭبەگى ايرىقشا اتاپ ءوتتى.

ء«بىز بۇل ەسكەرتكىشتى ۋكراينالىق باۋىرلاستاردىڭ قازاق حالقىنا، قازاقستاننىڭ تاريحى مەن رۋحانياتىنا شەكسىز قۇرمەت دەپ قابىلدايمىز»، دەدى ەلشى.

ايتا كەتەرلىگى، قازاقستان پەن ۋكراينا اراسىنداعى ەكونوميكا جانە مادەني بايلانىس جاڭا دەڭگەيگە كوتەرىلىپ، ەرەكشە قارقىن الا تۇسكەن. قازاقستان ەلشىسى د.كالەتاەۆ، قازاقستاننىڭ قۇرمەتتى كونسۋلى ەمين نادجافلي، ەسكەرتكىش اۆتورى سەيفۋتدين گۋربانوۆ تۇرىكسوي تۇركىتىلدەس ەلدەردىڭ مادەنيەتى مەن ونەرىن بىرلەسىپ دامىتۋ جونىندەگى حالىقارالىق ۇيىمىنىڭ «اباي» مەدالىمەن ماراپاتتالدى.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار