الەم • 23 قازان، 2021

اقش «ال-كايدا» باسشىلارىنىڭ ءبىرىن جويدى - باق

134 رەت كورسەتىلدى

اقش سيريادا اۋە شابۋىلىن جاساپ، «ال-كايدا» تەرروريستىك توبىنىڭ اعا جەتەكشىسىن جويدى. بۇل تۋرالى اقش قك ورتالىق قولباسشىلىعى مالىمدەدى، دەپ حابارلايدى Egemen.kz ريا نوۆوستيگە سىلتەمە جاساپ.

«سيريانىڭ سولتۇستىك-باتىسىنداعى بۇگىنگى اۋە سوققىسى «ال-كايدانىڭ» اعا ليدەرى ابدۋل حاميد ءال-ماتاردى جويدى. بىزدە اۋە شابۋىلىنان زارداپ شەككەن بەيبىت تۇرعىندار تۋرالى مالىمەتتەر جوق. اۋە سوققىسى MQ-9 كومەگىمەن جاسالدى»، دەلىنگەن حابارلامادا.

بۇعان دەيىن امەريكاندىق بارلاۋ اگەنتتىكتەرى «ال-كايدا» سودىرلارىنىڭ اۋعانستانعا ورالا باستاعانىنىڭ العاشقى بەلگىلەرىن تىركەگەنى تۋرالى حابارلاعان بولاتىن.

ايتا كەتسەك، ءدال وسى «ال-كايدا» 2001 جىلعى 11 قىركۇيەكتە جاسالعان شابۋىلدارعا قاتىسى بارىن راستادى، سودان كەيىن اقش اۋعانستاندا اسكەري وپەراتسيانى باستادى.

«ال-كايدا» - ەڭ ءىرى ۋلترا راديكالدى حالىقارالىق تەرروريستىك ۇيىمداردىڭ ءبىرى. 1988 جىلى اۋعانستاندا ۋساما بەن لادەن كەڭەس شاپقىنشىلىعىمەن كۇرەسۋ ءۇشىن قۇرىلعان. ۇيىم « ۇلى يسلام حاليفاتىن» قۇرۋدى ماقسات ەتىپ وتىر.

سوڭعى جاڭالىقتار

ۇقساس جاڭالىقتار