ايماقتار • 22 قازان، 2021

قاۋىپتى دەرتتەن ايىققانداردىڭ سانى ارتىپ كەلەدى

83 رەت كورسەتىلدى

وسى جىلدىڭ ەسەپتى مەرزىمىنە دەيىن قاۋىپتى ىسىك دەرتىنەن ەمدەلگەن ناۋقاستاردىڭ سانى - 13 256، بۇل كورسەتكىش وتكەن جىلمەن سالىستىرعاندا ءۇش مىڭعا ارتقان. بۇل مالىمەتتى بريفينگ بارىسىندا الماتى قالاسى ونكولوگيالىق ورتالىعىنىڭ ديرەكتورى نۇرسۇلتان ىزباعامبەتوۆ تاراتتى، دەپ حابارلايدى Egemen.kz.

«وڭتۇستىك استاناداعى ەمدەلگەندەردىڭ سانى 13 256 ادام، بۇل وتكەن جىلمەن سالىستىرعاندا ءۇش مىڭعا كوپ. 2 مىڭنان استام كۇردەلى وپەراتسيا جاسالعان. سكرينينگ جانە ونكولوگيالىق ناۋقاستاردى ەرتە دياگنوستيكالاۋ، سونداي-اق ەمدەۋمەن 100 پايىز قامتۋدىڭ ارقاسىندا قاتەرلى ىسىكتەن بولاتىن ءولىم-ءجىتىم كورسەتكىشى 10،6%-عا تومەندەدى»، دەدى سپيكەر.

ونىڭ سوزىنە زەر سالساق، جۇرگىزىلىپ جاتقان سكرينينگتەر وتە ماڭىزدى ءرول اتقاراتىن كورىنەدى. تەكسەرۋدىڭ ارقاسىندا 148 وبىر جاعدايى جانە 9 304 وبىر دەر كەزىندە انىقتالعان.

«مۇندا قاتەرلى ىسىك اۋرۋىنىڭ 90%-ى سىرقاتتىڭ 1-2 ساتىسىندا سكرينينگ ارقىلى بەلگىلى بولعان. ارينە، وسىنداي جاعدايلاردا ويداعىداي ەمدەۋگە مۇمكىندىك بار. سوندىقتان سكرينينگتەن ءوتۋدىڭ ماڭىزى زور ەكەنىن ەسكەرگەن ءجون. سونىڭ ارقاسىندا دياگنوستيكالاۋعا مۇمكىندىك تۋادى ءارى ىسىك ەرتە ساتىسىندا ەمدەلۋى ىقتيمال. كەيىنگى كەزەڭدەردە ەمدەۋ كۇردەلەنە تۇسەدى»، دەيدى نۇرسۇلتان ىزباعامبەتوۆ.

بريفينگ بارىسىندا ول ەپيدەميولوگيالىق جاعدايعا قاراماستان، ناۋقاستى ەمدەۋ بارلىق ەرەجە بويىنشا جۇرگىزىلگەنىن تىلگە تيەك ەتتى.

«ەگەر ونكولوگيالىق ناۋقاس كوروناۆيرۋس جۇقتىرسا، وندا الدىمەن وسى دەرتكە ەمدەۋ جۇرگىزىلەدى. ناۋقاس ەمدەلىپ شىققان سوڭ ونكولوگيالىق ورتالىقتا ەم الادى»، دەپ اتاپ ءوتتى ونكولوگيالىق ورتالىقتىڭ ديرەكتورى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار