ۇكىمەت • 22 قازان، 2021

ءماجىلىس «ادام قۇقىقتارى جونىندەگى ۋاكىل تۋرالى» زاڭ جوباسىن قارايدى

52 رەت كورسەتىلدى

پالاتا سپيكەرى نۇرلان نىعماتۋليننىڭ توراعالىعىمەن ءماجىلىس بيۋروسىنىڭ وتىرىسى ءوتىپ، وندا دەپۋتاتتاردىڭ الداعى جالپى وتىرىسىنىڭ كۇن ءتارتىبىنىڭ جوباسى ازىرلەندى، دەپ حابارلايدى Egemen.kz.

پالاتاعا ادام قۇقىقتارى جونىندەگى ۋاكىلگە قاتىستى زاڭ جوبالارىنىڭ توپتاماسىن ءبىرىنشى وقىلىمدا تالقىلاۋ ۇسىنىلادى. بۇل «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ جوباسى، سونداي-اق ونىڭ قىزمەتى ماسەلەلەرى بويىنشا زاڭنامالىق تۇزەتۋلەر، سونىڭ ىشىندە اقبتك جانە سالىق كودەكسىنە تۇزەتۋلەر.

دەپۋتاتتار زاڭ جوبالارىن زاڭنامالىق دەڭگەيدە ادام قۇقىقتارى جونىندەگى ۋاكىلدىڭ قۇقىقتىق مارتەبەسىن، ونىڭ قىزمەتىنىڭ قاعيداتتارى مەن كەپىلدىكتەرىن، سونداي-اق ادام مەن ازاماتتىڭ بۇزىلعان قۇقىقتارىن قالپىنا كەلتىرۋ جونىندەگى قۇزىرەتتى ايقىنداۋ ماقساتىندا ازىرلەدى.

بيۋدجەت كودەكسىنە، قىجك، اىجك، اپك-گە، سونداي-اق بىرقاتار زاڭدارعا تۇزەتۋلەر ادام قۇقىقتارى جونىندەگى ۋاكىلگە مەملەكەتتىك ورگاننىڭ، جەرگىلىكتى مەملەكەتتىك باسقارۋ جانە ءوزىن-ءوزى باسقارۋ ورگاندارىنىڭ، لاۋازىمدى ادامداردىڭ، مەملەكەتتىك قىزمەتشىلەردىڭ شەشىمدەرىمەن نەمەسە ارەكەتتەرىمەن (ارەكەتسىزدىگىمەن) بۇزىلعان شەكتەلمەگەن ادامدار توبىنىڭ قۇقىقتارى مەن بوستاندىقتارىن قورعاۋ ءۇشىن تالاپ ارىزبەن سوتقا جۇگىنۋ مۇمكىندىگىن بەرۋگە بايلانىستى.

اقبتك-دەگى تۇزەتۋلەرمەن ادام قۇقىقتارى جونىندەگى ۋاكىلگە يممۋنيتەتتى قامتاماسىز ەتۋ كوزدەلەدى، ال سالىق كودەكسىنە تولىقتىرۋلارمەن ۋاكىل جىبەرەتىن تالاپ قويۋدىڭ مەملەكەتتىك باجىنان بوساتۋ بەكىتىلەدى. ءماجىلىس دەپۋتاتتارى ءبىرىنشى وقىلىمدا «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىن، سونداي-اق وعان ىلەسپە تۇزەتۋلەردى قارايدى.

زاڭ جوباسى جانۋارلاردى ۇستاۋ كەزىندە جالپى جانە ارنايى تالاپتاردى بەلگىلەۋگە، جانۋارلاردى قاتىگەزدىكتەن، ازاپ پەن ولىمنەن قورعاۋعا، قوعامنىڭ ادامگەرشىلىگىن نىعايتۋعا باعىتتالعان. تۇزەتۋلەر قىلمىستىق كودەكسكە، اقبتك-گە، «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى»، «ۆەتەريناريا تۋرالى»، سونداي-اق «جانۋارلار دۇنيەسىن قورعاۋ، ءوسىمىن مولايتۋ جانە پايدالانۋ تۋرالى» زاڭدارعا ەنگىزىلەدى. پالاتانىڭ جالپى وتىرىسىندا بەيىندى كوميتەتتەرگە جاڭا زاڭ جوبالارى بويىنشا قورىتىندىلار دايىنداۋ مەرزىمدەرىن بەلگىلەۋ قاجەت.

سوڭعى جاڭالىقتار

ۇقساس جاڭالىقتار