فۋتبولدان قاتاردا وتەتىن الەم چەمپيوناتىنا قاتىساتىن ەكى ەلدىڭ قۇراماسى بەلگىلى بولدى. ەۋروپا ايماعىنداعى ىرىكتەۋ كەزەڭىندە شاشاسىنا شاڭ جۇقتىرماعان گەرمانيا مەن دانيا فۋتبولشىلارى ەندى كەلەسى جىلى الەمدىك جارىستا باق سىنايدى.

كارى قۇرلىققا بولىنگەن 13 جولدامانىڭ ەكەۋى قازىردىڭ وزىندە بەلگىلى. ياعني ولار، جوعارىدا ايتىپ وتكەندەي، گەرمانيا مەن دانيا قۇرامالارى. قاراشا ايىندا قاتارعا تىكەلەي تارتاتىن تاعى سەگىز ۇزدىكتىڭ ەسىمىن بىلەتىن بولامىز. ال ءوز توپتارىندا ەكىنشى ورىن العان 10 كوماندا جارىستى پلەي-وفف ساتىسىندا جالعاستىرادى. ولارعا ۇلتتار ليگاسى ارقىلى تاعى ەكى كوماندا قوسىلادى. ءسويتىپ، 12 ۇجىم ءتورت-تورتتەن ۇشكە ءبولىنىپ، سوڭعى ءۇش جولدامانىڭ يەسىن انىقتايدى.
* * *
وتكەن اپتادا بولعان ىرىكتەۋ كەزەڭدەرىنىڭ قورىتىندىسى بويىنشا جەتى كوماندا ءوز توپتارىندا ەكى ورىننىڭ ءبىرىن يەلەنىپ الدى. اتاپ ايتساق، بەلگيا، يتاليا، پورتۋگاليا، سەربيا، رەسەي، حورۆاتيا جانە شۆەيتساريا قۇرامالارى كەم دەگەندە پلەي-وفف سايىسىندا ونەر كورسەتەدى. ىرىكتەۋ كەزەڭىنىڭ شيەلەنىستى ءوتىپ جاتقانى سونشالىقتى، البانيا، انگليا، بوسنيا جانە گەرتسەگوۆينا، نيدەرلاند، نورۆەگيا، پولشا، تۇركيا، ۋكراينا، ۋەلس، فينليانديا، فرانتسيا جانە شۆەتسيا قۇرامالارى دا قاتارعا باراتىن مۇمكىندىكتەرىن جوعالتقان جوق. ءتىپتى بۇل كوماندالاردىڭ كەيبىرىنىڭ ءوز توپتارىندا ءبىرىنشى ورىن الۋ ىقتيمالدىلىعى دا جوعارى. سونىمەن قاتار ارمەنيا، گرەكيا، يزرايل، يسلانديا، رۋمىنيا، ماكەدونيا، چەرنوگوريا، چەحيا جانە شوتلانديا قۇرامالارىن دا الەمدىك جارىستىڭ جاسىل الاڭىنان كورىپ قالۋىمىز بەك مۇمكىن. بىزگە بەلگىلىسى، يرلانديا، بولگاريا، اۋستريا، سلوۆاكيا سياقتى ەۋروپانىڭ ورتاڭقول قۇرامالارى الەمدىك دودادان تىس قالدى. ايتپاقشى، بۇلاردىڭ قاتارىنا قازاقستان قۇراماسىن دا قوسۋعا بولادى. تالعات بايسۋفينوۆ باپتايتىن وتانداستارىمىز وتكەن اپتادا فينليانديا مەن بوسنيا قۇرامالارىنان جەڭىلىپ، الەم چەمپيوناتىنان ءبىرجولاتا كۇدەر ءۇزدى.
* * *
ىرىكتەۋ سايىسىنىڭ ا توبىندا ونەر كورسەتىپ جاتقان كوماندالارعا كەلسەك، بۇل توپتا سەربيا مەن پورتۋگاليانىڭ ءبىرى الەم چەمپيوناتىنا باراتىنى انىق. جولى بولماعانى پلەي-وفف سايىسىندا باقتارىن سىناپ كورەدى. 11 قاراشادا پورتۋگاليا سىرت الاڭدا يرلانديامەن كۇش سىناسادى. ەگەر وسى ويىندا كريشتيانۋ رونالدۋ باستاعان پورتۋگالدار جەڭىسكە جەتسە، وندا ا توبىنىڭ تىزگىنىن ۇستايدى. بىراق جەڭىستىڭ ءوزى پورتۋگالياعا جولداما اپەرمەيدى. بارلىق ماسەلە 14 قاراشادا پورتۋگاليا – سەربيا اراسىنداعى ماتچتا شەشىلەدى.
* * *
ۆ توبىندا گرۋزيا مەن كوسوۆو قۇرامالارى اتتان ەرتەرەك ءتۇسىپ قالدى. ناعىز تارتىس شۆەتسيا، يسپانيا جانە گرەكيا قۇرامالارى اراسىندا وتۋدە. قازىر بۇل توپتا شۆەتسيا توپ باستاپ تۇر. ولار كەلەسى تۋردا گرۋزيامەن وينايدى. ال گرەكتەر يسپانيا قۇراماسىن قابىلدايدى. گرەكيا قۇراماسىندا مۇمكىندىك از. لۋيس ەنريكە باپتايتىن يسپانيا ىرىكتەۋدى سىلبىر باستاعانىمەن، قازىر بابىندا. ەگەر 11 قاراشادا يسپانيا مەن شۆەتسيا ءوز قارسىلاستارىن ۇتاتىن بولسا، وندا ولار قاتارعا تىكەلەي باراتىن ۇجىمدى 14 قاراشا كۇنى ءوزارا انىقتايدى. ويىن يسپانيانىڭ جاسىل الاڭىندا وتەدى.
* * *
س توبىنىڭ جەڭىمپازى 12 قاراشادا يتاليا مەن شۆەيتساريا اراسىنداعى ويىننان كەيىن بەلگىلى بولۋى مۇمكىن. ەكى مىقتى 6 ويىننان 14 ۇپاي جيناپ، تۋرنير كەستەسىنىڭ الدىڭعى ەكى ورنىن ءبولىسىپ تۇر.
* * *
قازاقستان قۇراماسى ىرىكتەۋدىڭ سوڭعى ويىنىن سىرت الاڭدا فرانتسيا قۇراماسىمەن وتكىزەدى. ءدال وسى ويىندا فرانتسۋزداردى توپ جەڭىمپازى ەتىپ، الەم چەمپيوناتىنا شىعارىپ سالۋىمىز ابدەن مۇمكىن. ويتكەنى ديدە دەشام جاتتىقتىراتىن كومانداعا قاتارعا بارۋ ءۇشىن ءۇش ۇپاي جەتكىلىكتى. عايىپتان تايىپ، ويىن تەڭ نەمەسە قازاقستاننىڭ جەڭىسىمەن اياقتالىپ جاتسا، ماسەلە سوڭعى تۋردا شەشىلەدى.
* * *
ە توبىندا بەلگيا قۇراماسى الەم چەمپيوناتىنا بارۋعا ءبىر قادام جاقىن تۇر. ول ءۇشىن «قىزىل سويقاندار» 13 قاراشادا ەستونيانى جەڭسە جەتكىلىكتى.
* * *
F توبىندا دانيا فۋتبولشىلارى ىرىكتەۋ كەزەڭىن كەرەمەت وتكىزىپ جاتقانى سونشالىقتى، ولار ءالى كۇنگە دەيىن ءوز قاقپالارىنا ءبىر گول دا جىبەرگەن جوق. سەگىز ويىندا «دات ءديناميتى» 27 گول سوقتى.
* * *
G توبىندا جاعداي شيەلەنىسىپ تۇر. الەم چەمپيوناتىنا تىكەلەي بارۋعا نيدەرلاندتىڭ دا، نورۆەگيانىڭ دا، ءتىپتى ءۇشىنشى ورىندا تۇرعان تۇركيانىڭ دا مۇمكىندىگى بار.
* * *
ن توبىنىڭ كوشباسشىلارى رەسەي مەن حورۆاتيا الەم چەمپيوناتىنىڭ جولداماسىن سوڭعى تۋردا ءوزارا ساراپقا سالۋى مۇمكىن. بىراق ول ءۇشىن بۇلار 11 قاراشاداعى ويىندارىندا جەڭىسكە جەتۋلەرى ءتيىس.
* * *
البانيا فۋتبولىندا سوڭعى جىلدارى ىلگەرىلەۋ بار. انگليا، پولشا، ماجارستان سياقتى مىقتىلارمەن ءبىر توپقا تۇسكەن الباندار الەم چەمپيوناتىنان ءالى دە كۇدەر ۇزگەن جوق. دەگەنمەن ولاردىڭ سوڭعى ءۇمىتىن اعىلشىندار ءۇزۋى مۇمكىن. ويتكەنى انگليا البانيانى ۇتقان جاعدايدا الەم چەمپيوناتىنا تىكەلەي تارتادى.
* * *
سوڭعى توپتا كۇش سىناسىپ جاتقان گەرمانيا قۇراماسى ءبىرىنشى بولىپ الەم چەمپيوناتىنا جولداما الدى. ەندى پلەي-وفف باسەكەسىنە شىعۋعا رۋمىنيا، ارمەنيا جانە ماكەدونيانىڭ مۇمكىندىگى بار. ماتەماتيكالىق تۇرعىدان يسلانديانى دا تىزىمگە قوسۋعا بولادى. بىراق ولاردىڭ شىعۋى ەكىتالاي.
وزبەكستان پرەزيدەنتى قىرعىزستانعا باردى
الەم • بۇگىن، 11:32
سقو-دا 193 ءماسليحات دەپۋتاتى سايلانادى
قوعام • بۇگىن، 11:23
الماتىدا ءوز بالاسىن ولتىرگەن ايەل سۋيتسيد جاسادى
وقيعا • بۇگىن، 11:16
الماتى وبلىسىندا بەسىنشى سىنىپ وقۋشىسى سوققىعا جىعىلدى
وقيعا • بۇگىن، 11:01
قىرعىزستاننىڭ بۇرىنعى ۆيتسە-پرەمەرى ۇستالدى
الەم • بۇگىن، 10:36
تارازدا ستۋدەنتتەردەن پارا العان جوو وقىتۋشىسى ۇستالدى
ايماقتار • بۇگىن، 10:24
ەكىباستۇزدا بىرنەشە ءۇي مەن نىسان جىلۋدان اجىراتىلادى
ايماقتار • بۇگىن، 10:13
جاقىندا سايلانعان سەنات دەپۋتاتى قايتىس بولدى
قازاقستان • بۇگىن، 10:07
الماتىدا جەر سىلكىنىسى سەزىلدى
وقيعا • بۇگىن، 09:50
ەلىمىزدە اشىق اۋا رايى ساقتالادى
اۋا رايى • بۇگىن، 09:42
قازاقستان يرانمەن اۋىل شارۋاشىلىعى ونىمدەرىنىڭ ساۋداسىن ۇلعايتۋعا دايىن
ەكونوميكا • بۇگىن، 09:23
ءبىر كۇندە 71 ادام كوروناۆيرۋس جۇقتىرعان
كوروناۆيرۋس • بۇگىن، 09:13
بۇگىنگى ۆاليۋتا باعامى قانداي؟
قارجى • بۇگىن، 09:03
ءماجىلىستىڭ مىندەتى سەناتقا جۇكتەلدى
ساياسات • بۇگىن، 08:59
جاڭا مىندەتتەر جۇكتەگەن باعدارلاما
ساياسات • بۇگىن، 08:56
ايماقتار • بۇگىن، 08:46
ەكونوميكا • بۇگىن، 08:44
زاڭسىز بايىعاندارعا سانكتسيا بار
قوعام • بۇگىن، 08:40
ەكونوميكا • بۇگىن، 08:35
استانادا ينتەرنەت ساپاسى جاقسارادى
ەلوردا • بۇگىن، 08:30
سپورتتى بارلىق باعىتتا دامىتۋ قاجەت
سپورت • كەشە
ەكولوگيانىڭ وزەكتى ماسەلەلەرى تالقىلاندى
ەكولوگيا • كەشە
باسىلىم جاعدايىن ساراپتاۋ كەرەك
پىكىر • كەشە
پىكىر • كەشە
ءوڭىردىڭ ەرەكشەلىگى ەسكەرىلۋى ءتيىس
پىكىر • كەشە
مەرزىمدى ءباسپاسوز الەۋەتى ارتادى
وقيعا • كەشە
ەكونوميكا • كەشە
اۋىل • كەشە
ەكونوميكا • كەشە
ەكونوميكا • كەشە
قوعام • كەشە
ايماقتار • كەشە
ايماقتار • كەشە
مەديتسينا • كەشە
بىلىكتىلىكتى شىڭداعان وقۋ-جاتتىعۋ
وقيعا • كەشە
ايماقتار • كەشە
نەگىزسىز تولەم سۇراپ، جازاعا تارتىلدى
ايماقتار • كەشە
مۇحتار اۋەزوۆتىڭ جاپونيا تۋرالى مۇراسىنىڭ ماڭىزى
تاريح • كەشە
ايماقتار • كەشە
ۇقساس جاڭالىقتار