ءسۇت بەزىنىڭ وبىرى – قاتەرلى ىسىكتىڭ ەڭ كوپ تارالعان تۇرلەرىنىڭ ءبىرى. ددۇ ستاتيستيكاسى بويىنشا, 2020 جىلى الەمدە بۇل اۋرۋدىڭ 22 ملن-نان استام جاعدايى تىركەلگەن. ءسۇت بەزىنىڭ قاتەرلى ىسىگى – ونكولوگياعا شالدىققان ايەلدەر اراسىنداعى ءولىمنىڭ باستى سەبەبى. تەك 2020 جىلى وسى اۋرۋدان الەمدە 685 مىڭ ايەل قايتىس بولدى.
ء«سۇت بەزىنىڭ قاتەرلى ىسىگى ءسۇت جولدارىنىڭ ەپيتەليى دەپ اتالاتىن جاسۋشالاردا پايدا بولادى. الدىمەن ىسىك پايدا بولادى جانە تۇتىكتە نەمەسە لوبۋلادا وسەدى. بۇل ءينۆازيۆتى قاتەرلى ىسىك جانە ەشقانداي بەلگىلەرى بولمايدى. ۋاقىت وتە كەلە, نولدىك ساتىداعى قاتەرلى ىسىك ءوسىپ, ءسۇت بەزدەرىنىڭ ۇلپالارىن كوبەيتىپ, ءينۆازيۆتى ءسۇت بەزىنىڭ قاتەرلى ىسىگىنە اينالادى. ءارى قاراي ول جاقىن ماڭداعى ليمفا تۇيىندەرىنە تارالادى. ايماقتىق مەتاستاز, ءارى قاراي الىس مەتاستاز, ياعني باسقا ورگاندارعا ءوتۋ پايدا بولادى. كوپ جاعدايدا ايەل مەتاستازدىڭ سالدارىنان قايتىس بولادى. بىراق اۋرۋ ەرتە ساتىسىندا انىقتالسا, وندا ەمدەۋ جاقسى اسەر ەتۋى مۇمكىن. ادەتتە ءسۇت بەزىنىڭ قاتەرلى ىسىگى حيرۋرگيالىق وپەراتسيانى, ساۋلەلىك تەراپيانى, حيميوتەراپيانى جانە گورمونداردى قولدانۋ ارقىلى بىرگە ەمدەلەدى», دەدى ج.سادۋوۆا.
سونداي-اق مامان ءسۇت بەزى قاتەرلى ىسىگىنىڭ دامۋ قاۋپىن ۇزاق ۋاقىت بالا ەمىزۋ, تۇراقتى دەنە شىنىقتىرۋمەن اينالىسۋ تومەندەتەتىنىن ايتتى.
«سالماعىڭىزدى باقىلاۋ دا ارتىق بولمايدى. الكوگول ءىشىپ, تەمەكى نەمەسە وعان ۇقساس زياندى زاتتاردى شەكپەڭىز. سول سياقتى گارمونداردى ۇزاق قولدانۋدان دا باس تارتقانىڭىز دۇرىس. ءسۇت بەزىن ۇنەمى تەكسەرىپ وتىرۋ كەرەك, ماممولوگقا ۋاقىتىندا بارىپ, سكرينينگتەن ءوتۋ قاجەت. كوبىنەسە ءسۇت بەزىنىڭ قاتەرلى ىسىگى كەۋدەدەگى اۋىرمايتىن «تۇيىنشەك» نەمەسە «دومالاق» تۇرىندە بايقالادى. ەگەر كەۋدەڭىزدە وسىعان ۇقساس بىرنارسە شىعىپ, ەشقانداي اۋىرسىنۋ بولماسا, دەرەۋ مامانعا حابارلاسۋىڭىز قاجەت. مۇنداي بەلگىلەر پايدا بولعاننان كەيىن جاقىن ارادا مەديتسينالىق كومەككە جۇگىنۋ جىلدام ەمدەلۋگە ىقپال ەتەدى», دەدى سپيكەر.
ءسۇت بەزى قاتەرلى ىسىگىنىڭ قانداي بەلگىلەرىن ايتۋعا بولادى؟ بۇل كەۋدەدە تۇيىنشەكتىڭ پايدا بولۋى عانا ەمەس, سونىمەن قاتار ءسۇت بەزدەرىنىڭ مولشەرى مەن فورماسىنىڭ وزگەرۋى, ياعني تارتۋ, قىزارۋ, ءسۇت بەزدەرىنىڭ تەرىسىندەگى جارالار مەن باسقا دا وزگەرىستەردىڭ پايدا بولۋى جانە ت.ب. الايدا كەۋدەگە قانداي دا ءبىر تۇيىنشەك كەنەتتەن سەزىلسە, ۇرەيلەنبەڭىز. سەبەبى ءسۇت بەزىندەگى تۇزىلىمدەردىڭ 90%-ى قاتەرلى ەمەس. فيبروادەنومالار, كيستالار, ينفەكتسيالار – بۇل جاقسى تۇزىلىمدەر.
