بۇل «Bilimdi ult» ۇلتتىق جوباسى اياسىندا ىسكە اسادى. مەكتەپتەردە مۇعالىم ساناتىنان بولەك ەدەن جۋشى, اسپاز, كۇزەتشىلەردىڭ جالاقىسىن دا ءوسىرۋ قاراستىرىلعان. مينيستر بۇل ماسەلە مەملەكەت باسشىسى بەرگەن تاپسىرما اياسىندا جۇزەگە اسادى دەدى. ۇلتتىق جوبانى جۇزەگە اسىرۋعا رەسپۋبليكالىق بيۋدجەتتەن 1,1 ترلن تەڭگە ءبولۋ جوسپارلانعان. قازىر ءۇش جىلدىق بيۋدجەت بەكىتىلىپ جاتىر.
«مەملەكەت باسشىسى قاسىم-جومارت توقاەۆ ءوزىنىڭ جولداۋىندا بۇل ماسەلەنى كوتەرىپ, ۇكىمەتكە ءتيىستى تاپسىرما بەردى. بۇگىنگى كۇنى ارىپتەستەرىمىز وسى تاپسىرمانى ورىنداۋمەن اينالىسىپ جاتىر. ارينە پرەزيدەنت بەرگەن تاپسىرما ورىندالادى. سوندىقتان جالاقىسى كوتەرىلۋى كەرەك قىزمەتكەرلەردىڭ ساناتىنا مەكتەپتە ىستەيتىن, مىسالى, كىتاپحاناشىلار جانە باسقا دا قىزمەتكەرلەر كىرەدى», دەدى قر ءبىلىم جانە عىلىم ءمينيسترى اسحات ايماعامبەتوۆ.
