ەكونوميكا • 21 قازان، 2021

قازاقستان مەن قىتاي تاۋار تاسىمالىن تالقىلادى

68 رەت كورسەتىلدى

قازاقستان مەن قىتاي اراسىنداعى جۇك تاسىمالداۋ ماسەلەلەرى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ءاليحان سمايىلوۆ پەن قىتاي حالىق رەسپۋبليكاسى مەملەكەتتىك كەڭەسى پرەمەر-ءمينيسترىنىڭ ورىنباسارى حان چجەنمەن تەلەفون ارقىلى سويلەسۋ كەزىندە تالقىلاندى، دەپ جازادى Egemen.kz.

اڭگىمە بارىسىندا قازاقستاندىق تاراپ اۆتوموبيل جانە تەمىرجول كولىگىمەن جۇك تاسىمالداۋ كولەمىنىڭ ازايۋىنا بايلانىستى شەكارادا ۇلكەن كولەمدە جۇكتەردىڭ جينالىپ قالعانىنا الاڭداۋشىلىق ءبىلدىردى.  

«دوستىق – الاشانكوۋ» شەكارا بەكەتىندە قازاقستاننان قىتايعا وتەتىن پويىزداردىڭ سانى تاۋلىگىنە 16-دان 5-6-عا دەيىن تومەندەدى. شەكارادا 7 مىڭعا جۋىق اۆتوكولىكتىڭ كەزەكتە تۇرىپ قالعانى الاڭداۋشىلىق تۋعىزادى. 

پرەمەر-ءمينيستردىڭ ءبىرىنشى ورىنباسارى ءا.سمايىلوۆ بارلىق جۇك تيەلگەن ۆاگونداردى قىتاي تاراپى قابىلداۋعا دايىن ەكەنىن ماقۇلدانعانىن اتاپ ءوتتى. ول سونداي-اق تەمىرجول كولىگى سالاسىنداعى حالىقارالىق كەلىسىمدەر اياسىندا تاسىمالداۋ جوسپارىن ماقۇلداعان تاراپ جۇكتى ءوز اۋماعىنا قابىلداۋعا مىندەتتى ەكەنىن ەسكە سالدى. 

تاراپتار جاقىن ارادا سانيتارلىق-ەپيدەميولوگيالىق تالاپتاردى ساقتاي وتىرىپ، بىرلەسكەن كۇش-جىگەرمەن بۇل ماسەلەنى شەشۋ ءۇشىن بارلىق مۇمكىن شارالاردى قابىلداۋعا ۋاعدالاستى. 

سونداي-اق قىتاي تاراپى اۆتوكولىكپەن، ونىڭ ىشىندە «قالجات» وتكىزۋ بەكەتىندە كولىك قوزعالىسىن قالپىنا كەلتىرۋ ارقىلى جۇك تاسىمالىن ۇلعايتۋعا دايىن ەكەندىگىن ءبىلدىردى. 

تەلەفونمەن سويلەسۋ سوڭىندا تاراپتار ەكى ەل اراسىنداعى ىنتىماقتاستىق كوميتەتىنىڭ وتىرىسىن وتكىزۋ مۇمكىندىگىن تالقىلادى. 

ەستەرىڭىزگە سالا كەتەيىك، كوميتەتتىڭ 10-وتىرىسى بيىل قازاقستاندا ءوتۋى ءتيىس. ول ونلاين تۇردە وتەدى دەپ جوسپارلانعان.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار