قازاقستان • 21 قازان، 2021

قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى ءوتتى

74 رەت كورسەتىلدى

2021 جىلعى 21 قازاندا قازاقستان رەسپۋبليكاسىنىڭ پرەزيدەنتى، قحا توراعاسى قاسىم-جومارت توقاەۆتىڭ توراعالىعىمەن قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى ءوتتى، دەپ حابارلايدى Egemen.kz اقدم-نىڭ ءباسپاسوز قىزمەتىنە سىلتەمە جاساپ.

ءىس-شاراعا قازاقستان رەسپۋبليكاسىنىڭ مەملەكەتتىك حاتشىسى ق.كوشەرباەۆ، قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ە.قوشانوۆ، قازاقستان رەسپۋبليكاسىنىڭ تۇڭعىش پرەزيدەنتى – ەلباسى كەڭسەسىنىڭ باسشىسى م.قاسىمبەكوۆ، قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى م.ءازىلحانوۆ، ورتالىق جانە جەرگىلىكتى اتقارۋشى ورگانداردىڭ باسشىلارى، قازاقستان رەسپۋبليكاسى پارلامەنتىنىڭ دەپۋتاتتارى، نۇر-سۇلتان، الماتى، شىمكەنت جانە وبلىستاردىڭ اكىمدەرى – قحا توراعالارى، قحا كەڭەسىنىڭ مۇشەلەرى، ەتنومادەني بىرلەستىكتەردىڭ، عىلىمي جانە شىعارماشىلىق زيالى قاۋىمنىڭ وكىلدەرى، قوعام قايراتكەرلەرى قاتىستى.

وتىرىس بارىسىندا قازاقستان حالقى اسسامبلەياسى XXIX سەسسياسىنىڭ شەشىمدەرىن جانە مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن ىسكە اسىرۋ تۇرعىسىنان قازاقستان حالقى اسسامبلەياسى مەن مەملەكەتتىك ورگانداردىڭ باستى مىندەتتەرى تالقىلاندى. اسسامبلەيا بىرىڭعاي ازاماتتىق ۇلت قۇرۋعا، قازاقستاندىقتاردى الەۋمەتتىك-مادەني، قوعامدىق جانە ءبىلىم بەرۋ پروتسەستەرىنە كەڭىنەن تارتۋعا باعىتتالعان جاڭا تاسىلدەردى ەنگىزۋدى جالعاستىرىپ جاتقاندىعى اتاپ ءوتىلدى.

سونداي-اق وتىرىستا تۇركىستان وبلىسى قازاقستان حالقى اسسامبلەياسى مەن قحا انالار كەڭەسىنىڭ ەتنوسارالىق كەلىسىمدى نىعايتۋ جونىندەگى قىزمەتىنىڭ وزەكتى ماسەلەلەرى قارالدى.

اتاپ ايتقاندا، تۇركىستان وبلىسىنىڭ اكىمى ومىرزاق شوكەەۆ وڭىردەگى قازاقستان حالقى اسسامبلەياسىنىڭ ۇيلەسىمدى ەتنوسارالىق قاتىناستاردى نىعايتۋ جونىندەگى قىزمەتى تۋرالى ايتىپ بەردى. وبلىستا 50 ءتۇرلى ەتنوس وكىلدەرى تۇرادى، بۇل، وبلىس حالقىنىڭ 25 پايىزىن قۇرايدى، تۇرعىندار ءۇشىن مادەنيەت پەن ءداستۇردى دامىتۋعا بارلىق قاجەتتى جاعدايلار مەن ينفراقۇرىلىم جاسالعان.

قازاقستان حالقى اسسامبلەياسىنىڭ رەسپۋبليكالىق انالار كەڭەسىنىڭ توراعاسى نازيپا شاناي وسى قوعامدىق قۇرىلىمنىڭ قىزمەتىنە توقتالدى. انالار كەڭەستەرى اجىراسۋلار مەن تۇرمىستىق زورلىق-زومبىلىقتىڭ، جاستار اراسىنداعى ءسۋيتسيدتىڭ الدىن الۋ، ينتەرنەتكە تاۋەلدىلىك، ناشاقورلىق تارالۋىنىڭ الدىن الۋ جانە ت.ب. وزەكتى الەۋمەتتىك پروبلەمالارمەن اينالىسادى، وسى باعىتتار بويىنشا جوبالاردا 44 مىڭنان استام ادام قامتىلعان.

قازاقستانداعى ەتنوسارالىق تولەرانتتىلىق تۋرالى ايتا كەلە، سپيكەر بۇگىندە ەلىمىزدە 800-دەن استام وتباسى ءتۇرلى ەتنوستاردىڭ بالالارىن تاربيەلەپ وتىرعانىن اتاپ ءوتتى. مىسال رەتىندە قوستاناي وبلىسى التىنسارين كەنتىنەن تولەگەنوۆتەر وتباسىن كەلتىردى. ولاردىڭ 12 بالاسى بار: التاۋى – قازاق، ۇشەۋى – ورىس، ەكەۋى – تاتار، بىرەۋى – باشقۇرت. 2014 جىلى وبلىستىق قحا انالار كەڭەسىنىڭ باستاماسىمەن «اسار» اكتسياسى اياسىندا بۇل وتباسى ءۇشىن كەڭ ءۇي سالىندى.

سونىمەن قاتار سپيكەرلەردىڭ باياندامالارىندا ازاماتتاردى بىرىڭعاي قازاقستاندىق قوعامعا نەعۇرلىم تىعىز ينتەگراتسيالاۋ، وقۋشىلاردىڭ باسەكەگە قابىلەتتىلىگىن ارتتىرۋ فاكتورى رەتىندە مەملەكەتتىك ءتىلدى وقىتۋ ماسەلەلەرى، ينتەرنەت جانە بالالاردى تاربيەلەۋ پروبلەمالارى، بالالارعا ارنالعان ساپالى مەديا-كونتەنتتى قالىپتاستىرۋ، كيبەربۋللينگ، كوپ بالالى انالاردى الەۋمەتتەندىرۋ جانە ت.ب. وزەكتى تاقىرىپتار كوتەرىلدى.

ءىس-شارا سوڭىندا مەملەكەت باسشىسى قازاقستان حالقى اسسامبلەياسى مەن مەملەكەتتىك ورگانداردىڭ قوعامداعى بىرلىك پەن كەلىسىمدى قامتاماسىز ەتۋ سالاسىنداعى قىزمەتى مەن مىندەتتەرىنىڭ باسىمدىقتارىن اتاپ ءوتتى.

پرەزيدەنت ەتنوسارالىق نەگىزدە كەمسىتۋشىلىك پەن جانجالدارعا جول بەرمەۋ، ارانداتۋلار مەن قازاقستانداعى ەتنوسارالىق بەيبىتشىلىك پەن كەلىسىمدى تۇراقسىزداندىرۋ ارەكەتتەرىن بولدىرماۋ قاجەتتىگىنە نازار اۋداردى.

مەملەكەتتىك ورگاندار مەن اكىمدىكتەرگە انالار كەڭەسى مەن اسسامبلەيانىڭ جاستار قوزعالىسىنىڭ قىزمەتىنە، ينتەرنەتتەگى زاڭناماعا قايشى كونتەنتپەن كۇرەس، كيبەربۋللينگكە قارسى ءىس-قيمىل جونىندەگى ازاماتتىق باستامالارعا جان-جاقتى قولداۋ كورسەتۋ تاپسىرىلدى.

 

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار