قازاقستان • 21 قازان، 2021

Tiji جانە Nickelodeon مۋلتفيلمدەرى قازاق تىلىنە اۋدارىلادى

98 رەت كورسەتىلدى

قر اقپارات جانە قوعامدىق دامۋ ءمينيسترى ايدا بالاەۆا Tiji جانە Nickelodeon سياقتى تەلەارنالاردىڭ ونىمدەرىن قازاق تىلىنە اۋدارۋ قاجەتتىلىگىنە توقتالدى، دەپ حابارلايدى Egemen.kz.

«جىل باسىنان بەرى ءبىز شەتەلدە تانىمال مۋلتيپليكاتسيالىق تەلەارنالاردىڭ ونىمدەرىن قازاق تىلىنە اۋدارۋ بويىنشا جوبانى ىسكە قوستىق. دالىرەك ايتقاندا، بۇل  TiJi، Nickelodeon سياقتى ارنالاردىڭ مۋلتفيلمدەرى. ولارمەن كەلىسسوزدەر جۇرگىزىلدى. قازىر «قازاقفيلم» نەگىزىندە اۋدارما جاساۋعا كىرىسىپ كەتتىك. جىل سوڭىندا بۇل جۇمىس اياقتالادى. بۇل Nickelodeon جانە TiJi مۋلتفيلمدەرى قازاقشا سويلەيدى دەگەندى بىلدىرەدى. بۇگىندە قازاق ءتىلدى وتباسىلاردا تاربيەلەنىپ جاتقان كىشكەنتاي بالالاردىڭ ورىس تىلىندە سويلەيتىنى ەشكىمگە قۇپيا ەمەس. بۇل مۋلتفيلمدەردىڭ سالدارى. ءتىل تەك اتا-انا تاربيەسىنە عانا ەمەس، ەكرانعا دا بايلانىستى قالىپتاساتىن ۋاقىت كەلدى. شىنىندا دا، قازاق ءتىلدى بالا كەيىنگى ۋاقىتتا مۋلتفيلمدەردىڭ اسەرىنەن ورىس تىلىندە سويلەي بەرەدى. سوندىقتان ءبىز وسى تەلەارنالارمەن كەلىسسوزدەر اياسىندا 800 ساعاتتىق ءونىمدى قازاق تىلىنە اۋدارۋ بويىنشا جۇمىس ىستەپ جاتىرمىز»، دەدى ايدا بالاەۆا وكق-دا وتكەن ءباسپاسوز ءماسليحاتىندا.

«سالىستىرۋ ءۇشىن، «ماشا مەن ايۋ» ءمۋلتفيلمىنىڭ ءبىرىنشى ماۋسىمىنىڭ تۇسىرىلىمىنە 2 ملرد تەڭگە جۇمسالادى، ال بۇل تەك ەكى ساعاتتىق ءونىم. ال ءبىز تانىمال مۋلتيپليكاتسيالىق ارنالاردىڭ 800 ساعاتتىق ءونىمىن ءتورت ەسە ارزانعا جاسايمىز. ەگەر ءبىز ءوزىمىز ساپالى ءونىم شىعاراتىن بولساق، وندا ول ۇلكەن قاراجات پەن كوپ ۋاقىتتى قاجەت ەتەدى. قازىر ءبىز ءار ۋاقىتتى ءتيىمدى پايدالانۋىمىز كەرەك»، دەپ ءتۇسىندىردى مينيستر.

اقدم باسشىسى تانىمال تەلەارنالاردىڭ مۋلتفيلمدەرىن قازاق تىلىنە اۋداراتىن بولسا، بالالار دا قازاق تىلىندە سويلەيدى دەپ ەسەپتەيدى. سونىمەن قاتار، ايدا بالاەۆا باسقا تىلدەردى ۇيرەنۋ قاجەتتىلىگىن اتاپ ءوتتى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار