پرەزيدەنت • 21 قازان، 2021

پرەزيدەنت دوستوەۆسكيدىڭ 200 جىلدىعىن ۇيىمداستىرۋدى ۇسىندى

64 رەت كورسەتىلدى

قازاقستان حالقى اسسامبلەياسىنىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ فەدور دوستوەۆسكيدىڭ 200 جىلدىعىنا ارنالعان اتاۋلى ءىس-شارا ۇيىمداستىرۋدى ۇسىندى، دەپ حابارلايدى Egemen.kz.

«جەتىنشى – مادەنيەت ديالوگى جانە جالپىۇلتتىق ازاماتتىق پاتريوتيزم. ءبىز كۇن سايىن ۇيلەسىمدى ەتنوسارالىق ءوزارا-ءىس-قيمىلدىڭ جارقىن ۇلگىلەرىن، ءتۇرلى ەتنوسقا كىرەتىن ەل ازاماتتارىنىڭ پاتريوتيزم اكتىلەرى مەن جانكەشتى ەڭبەگىن كورىپ وتىرمىز. قازاقستاندا ەتنيكاارالىق ديالوگ ءداستۇرىنىڭ تامىرى بەرەڭدە جاتىر. ماسەلەن، كورنەكتى زەرتتەۋشى پوتانين گريگوري الەكسەەۆيچتى «الاش» قايراتكەرلەرى قۇرمەتتى اقساقال دەپ اتاعان. ءپوتانيننىڭ قازاق تىلىندە سويلەگەنى، حالقىمىزدىڭ مادەنيەتىن، تۇرمىسىن جانە تاريحىن زەرتتەگەنى بەلگىلى.

قازاقتىڭ تانىمال عالىمى شوقان ۋاليحانوۆپەن دوستىق قارىم-قاتىناستا بولعان. بيىل يۋنەسكو قامقورلىعىمەن شوقان ءۋاليحانوۆتىڭ تاعى ءبىر دوسى، الەم ادەبيەتىنىڭ كلاسسيگى دوستوەۆسكي فەدور ءميحايلوۆيچتىڭ 200 جىلدىعى اتالىپ وتەدى. مەنىڭشە، ەلىمىزدىڭ تاريحي ورتالىقتارىنىڭ ءبىرى – سەمەيدە وسىناۋ داتانىڭ كۇنىنە وراي اتاۋلى ءىس-شارا ۇيىمداستىرۋ كەرەك»، دەدى مەملەكەت باسشىسى.

قر پرەزيدەنتىنىڭ اتاپ وتۋىنشە، ف.دوستوەۆسكي سەمەي قالاسىندا 5 جىل بويى جۇمىس ىستەگەن. قالادا جازۋشىنىڭ ادەبي-مەموريالدى مۋزەيى ورنالاسقان. وسى مۋزەي ءۇي بۇكىل الەم تۋريستەرى ءۇشىن مادەني-تانىمدىق نىسانعا اينالا الادى.

«مادەنيەتتەردىڭ ءبىر-بىرىمەن ارالاسۋىندا شەكارا جوق. ول حالىقتى رۋحاني بايىتادى. بۇل مەنىڭ نىق سەنىمىم. قازاقستاندا الەكساندر پۋشكيننەن باستاپ «ەدىلدە كازاكپىن، جايىقتا قازاقپىن» دەپ ايتقان نوبەل سىيلىعىنىڭ لاۋرەاتى ميحايل شولوحوۆقا دەيىن ورىس ادەبيەتىنىڭ كوپتەگەن كلاسسيگى شابىت العان ەدى»، دەدى قاسىم-جومارت توقاەۆ.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار