كەزدەسۋ ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ ديرەكتورى ماتتەو مەكاچچيدىڭ نۇر-سۇلتان قالاسىنا ساپارى اياسىندا ءوتتى.
كەزدەسۋ بارىسىندا مەملەكەت باسشىسىنىڭ تاپسىرماسى بويىنشا قۇقىققا قايشى ارەكەتتەردى بولدىرماۋ ءۇشىن پوليتسيانىڭ بارلىق قىزمەتتىك ورىندارىندا جانە پەنيتەنتسيارلىق مەكەمەلەردە بەينەكامەرالار ورناتۋ جۇمىستارى باستالعانى اتاپ ءوتىلدى.
ەرلان تۇرعىمباەۆ ەقىۇ-مەن ءوزارا ءىس-قيمىلدىڭ جوعارى دەڭگەيىن اتاپ ءوتىپ, ء«ىىم ادام ساۋداسىنا, كيبەرقىلمىسقا, زاڭسىز كوشى-قونعا, ەسىرتكى بيزنەسىنە قارسى كۇرەس, سونداي-اق ادام قۇقىقتارىن ساقتاۋ بويىنشا ەقىۇ اياسىندا وتكىزىلەتىن ءىس-شارالارعا بەلسەندى قاتىساتىنىن» حابارلادى.
