تاريح • 20 قازان، 2021

شوقان ءۋاليحانوۆتىڭ ءومىرى مەن مۇراسىنا ارنالعان كىتاپ تانىستىرىلدى

94 رەت كورسەتىلدى

نۇر-سۇلتان قالاسىندا تاريحشى جاراس ەرمەكبايدىڭ «شوقان ءۋاليحانوۆتىڭ تاعدىرى مەن مۇراسى» اتتى كىتاپتىڭ تۇساۋكەسەرى ءوتتى، دەپ حابارلايدى Egemen.kz.

تۋىندى ۇلى قازاق عالىمى، ساياحاتشى، ەتنوگراف، اعارتۋشى شوقان ءۋاليحانوۆتىڭ 185 جىلدىعىنا ارنالعان.

تۋىندىدا بۇعان دەيىن كوپشىلىككە بەلگىسىز بولعان دەرەكتەر بەرىلگەن. جاراس ەرمەكباي كىتاپ جازۋ بارىسىندا قر ۇعا ۇلتتىق اكادەمياسىنىڭ ورتالىق عىلىمي كىتاپحاناسىندا، رف ءسىم رەسەي يمپەرياسىنىڭ سىرتقى ساياسات مۇراعاتىندا، رەسەي مەملەكەتتىك تاريحي مۇراعاتىندا جانە ت.ب. كوپتەگەن زەرتتەۋ جۇرگىزگەن.

شوقان ءۋاليحانوۆتىڭ پەتەربۋرگتءىڭ بىرنەشە ۇكىمەتتىك مەكەمەدە، باس شتابتىڭ اسكەري-عىلىمي كوميتەتىندە، سىرتقى ىستەر مينيسترلىگىنىڭ ازيا دەپارتامەنتىندە جۇمىس ىستەگەنى، سونداي-اق سول دەپارتامەنت جانىنداعى جوعارى مەكتەپتە تۇركى تىلدەرىنەن ساباق بەرگەنى بەلگىلى. سوندىقتان ءومىرى جايلى جازىلعان جازبا-دەرەكتەردىڭ باسىم بولىگى رەسەيدە ساقتالعان.

پروفەسسور ج. ەرمەكبايدىڭ ايتۋىنشا، عالىمنىڭ وتباسى جايلى تىڭ دەرەكتەر، ونىڭ تالىمگەرلەرى، سونداي-اق ورتالىق قازاقستان مەن قىرعىزستانداعى ەكسپەديتسيالارى، سانكت-پەتەربۋرگتە بولعان كەزەڭى، رەسەي پاتشالىعىنىڭ جوعارى توپتارىمەن تانىسۋى تۋرالى قوسىمشا مالىمەتتەر دە تابىلعان.

جاراس اقىش ۇلى قازاق اعارتۋشىسى جايلى مالىمەت جيناۋىنا 25 جىلعا جۋىق ۋاقىتىن ارناعان. دەگەنمەن عالىم بۇل باعىتتاعى جۇمىس ءالى اياقتالماعانىن ايتادى.

«شوقان ءۋاليحانوۆتىڭ مۇراسى جايلى زەرتتەۋجۇمىسى ءالى اياقتالعان جوق. مەن ۇنەمى ىزدەنىستە جۇرەمىن، سەبەبى ءالى دە بولسىن تابىلماعان، زەرتتەلمەگەن ماتەريالدار بار ەكەنىن بىلەمىن، بىراق ولار بىزگە قولجەتىمسىز. الدا ءالى جۇمىس كوپ. عالىمنىڭ ءومىرى جايلى تىڭ ء ارى قىزىق مالىمەتتەر الامىن دەپ ۇمىتتەنەمىن. ەڭ باستىسى مەنىڭ زەرتتەۋىمنىڭ ءبىر بولىگى «QazaqGeography»قولداۋىنىڭ ارقاسىندا جارىققا شىقتى»، دەيدى «شوقان ءۋاليحانوۆتىڭ تاعدىرى مەن مۇراسى» كىتابىنىڭ اۆتورى جاراس ەرمەكباي.

تۋىندى اۆتورى تاپقان جاڭا دەرەكتەر اكادەميك الكەي مارعۇلان جۇرگىزگەن وراسان زور ەڭبەكتى تولىقتىراتىنىن اتاپ كورسەتەدى.

«شوقان ءۋاليحانوۆتىڭ تاعدىرى مەن مۇراسى» كىتابىن «QazaqGeography» رەسپۋبليكالىق قوعامدىق بىرلەستىگى قر اقپارات جانە قوعامدىق دامۋ مينيسترلىگى مەن «رۋحاني جاڭعىرۋ» كەاق قولداۋىمەن باسىپ شىعاردى.

«شوقان ءۋاليحانوۆتىڭ ەسىمى قازاقستاندىقتار ءۇشىن، ونىڭ ىشىندە ءبىزدىڭ بىرلەستىك ءۇشىن ەرەكشە، كيەلى دەپ ايتۋعا بولادى. ءبىزدىڭ ءومىرىمىز، ول سياقتى، تۋعان جەردى زەرتتەۋمەن، ەتنوگرافيامەن، تاريحپەن جانە گەوگرافيامەن تىعىز بايلانىستى. سوندىقتان دا ءبىز بۇل جوبانى قۋانا قولداپ، كىتاپتىڭ جارىق كورۋىنە كومەكتەستىك»، دەيدى «QazaqGeography» رقب باسقارما توراعاسى ورمان نۇرباەۆ.

كىتاپتىڭ تۇساۋكەسەر تۋرى شوقان ءۋاليحانوۆتىڭ تۋعان جەرى سىرىمبەت اۋىلىنان باستالۋى تەگىن ەمەس. جاراس ەرمەكباي ەڭبەگىنىڭ تۇساۋكەسەرى تاعى بىرنەشە قالادا وتەدى. تۋىندىنىڭ تۇساۋكەسەرى قازاق حالقىنىڭ ۇلى عالىمى جەرلەنگەن جەر الماتى وبلىسىندا اياقتالادى.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار