ايماقتار • 20 قازان، 2021

جەل ەلەكتر ستانساسى سالىنۋدا

66 رەت كورسەتىلدى

سارقان اۋدانىنىڭ اۋماعىندا قۋاتى 50 مۆت بولا­تىن جەل ەلەكتر ستانساسى سالىنۋدا. بۇل الماتى وب­لىسىندا «جاسىل» ەنەرگەتي­كانى ودان ءارى دامىتۋعا جانە جەرگىلىكتى جەردە وندىرىلەتىن ەلەكتر ەنەرگياسى كولەمىن ۇلعايتۋعا ىقپال ەتەدى.

سارقان اۋدانىنداعى لەپسى اۋى­لى ماڭىنا سالىنا باستاعان جەل ەلەكتر ستانساسى قازىرگى كەزدە اۋدان اۋماعىندا ىسكە اسىرىلىپ جاتقان ءىرى ينۆەستيتسيالىق جوبالاردىڭ ءبىرى بولىپ وتىر. ءىس باسىنداعى «اباي-2 جەس» جشس وكىلدەرى قۇرىلىس جۇمىستارىن 2019 جىلى باستاعان، 2022 جىلى اياقتالادى دەپ جوسپارلاپ وتىر. ماڭىزدى نىسانعا ەڭ الدىمەن جول تارتىلىپ، قازىر ماماندار قوندىرعىلاردىڭ ىرگەتاسىن قۇيۋدا. قۇرىلىس الاڭىندا جۇزگە تارتا ادام جۇمىس ىستەيدى.

– بۇل – قۋاتى 50 مۆت-تان اساتىن جاڭا ستانسا بولايىن دەپ تۇر. جىل سوڭىنا دەيىن العاشقى 6 جەل قون­دىرعىسى ورناتىلىپ، ىسكە قوسى­لادى. جەلدەن قۋات جينايتىن ستانسا لەپسى اۋىلىنان 80 شاقىرىم جەر­دەگى جازىقتا ورنالاسقان. وندا ارقاي­سىسىنىڭ قۋاتى 3،2 مۆت بولاتىن 16 جەل قوندىرعىسى بولادى، باعا­نالاردىڭ بيىكتىگى 100 مەترگە، جەل دوڭگەلەكتەرى قالاقتارىنىڭ بيىكتىگى 70 مەترگە جەتەدى. نىساننىڭ سالىنۋى ارقىلى اۋدانعا 19،3 ملرد تەڭگە ينۆەستيتسيا تارتىلدى، – دەيدى اۋدان اكىمى تالعات قايناربەكوۆ.

جالپى، بۇگىندە جەتىسۋ ايما­عىن­دا جاڭارتىلعان ەنەرگيا كوزىن وندى­رەتىن 31 نىسان بولسا، ولاردىڭ جالپى قۋاتى 317،67 مۆت شاماسىندا ەكەن. ونىڭ ىشىندە 18 سۋ ەلەكتر ستان­ساسى، 7 جەل ەلەكتر ستانساسى جا­نە 6 كۇن ەلەكتر ستانساسى بار.

 

الماتى وبلىسى

 

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار