ەكونوميكا • 20 قازان، 2021

اۋعانستانعا قايتادان ۇن ساتا باستادى

47 رەت كورسەتىلدى

جاقىندا اۋىل شارۋاشىلىعى مينيسترلىگى اۋعانستانعا ۇن ەكسپورتتاۋ ماسەلەسىنە بايلانىستى مالىمدەمە جاسادى. وندا ۆەدومستۆو كەيبىر قازاقستاندىق باق-تاردى نەگىزسىز اقپارات تاراتتى دەپ ايىپتاپ تا وتەدى. 2020 جىلى اۋعان نارىعىنا ەلىمىزدە وندىرىلگەن 2 ملن توننادان استام استىق پەن استىق ەكۆيۆالەنتىندەگى ۇن جىبەرىلگەن.

QazTrade دەرەكتەرى بويىنشا، قازاق­ستان رەسپۋبليكاسىنىڭ اۋماعىندا جۇمىس ىستەيتىن 300 ۇن ەكسپورتتاۋشىنىڭ 183-ءى وزگە نارىقپەن جانە اۋعان نارىعىمەن دە ءوزارا كەلىسىمگە يە. تاعى 49 ەكسپورتتاۋشى اۋعانستانعا ۇن جونەلتۋمەن اينالىسادى. مينيسترلىكتىڭ ايتۋىنشا، اۋعانستاننىڭ جاڭا بيلىگى ورناعاننان كەيىن دە جۇمىس­تارىن جالعاستىرىپ جاتقان بيزنەس-بايلانىستار بار. قازاقستاندىق اۋىل شارۋاشىلىعى ونىمدەرىن سولتۇستىك اۋعان پروۆينتسيالارى – بالح، باعلان، تاحار جانە قۇندىز، سونداي-اق استانالىق ايماق جانە كابۋل قالاسى پايدالانادى.

«اۋعانستانداعى ساياسي احۋالدىڭ وزگەرۋى شىنىمەن دە بارلىق ارىپتەس ەلدەر­مەن، ونىڭ ىشىندە قازاقستانمەن ساۋدا وپەرا­تسيالارىنىڭ توقتاتىلا تۇرۋىنا الىپ كەلدى. ءبىراز ۋاقىت بويى بانكارالىق ترانزاك­تسيا­لار مەن تەمىر جول ۆاگوندارىن جەتكىزۋ مۇمكىن بولمادى، ويتكەنى يەلەرى ولاردىڭ ساقتالۋى مەن قايتارىلۋى ءۇشىن قورىق­تى. الايدا قازىرگى ۋاقىتتا پروبلەمالار شەشىلدى: ترانزاكتسيالار ءۇشىنشى ەلدەردىڭ بانكتەرى ارقىلى جۇزەگە اسىرىلادى، ۆاگونداردى جونەلتۋ قالپىنا كەلتىرىلدى. قىركۇيەك پەن قازان ايىنىڭ باسىندا قازاقستاننان اۋعانستانعا 60،2 مىڭ توننا ۇن مەن 15،6 مىڭ توننا استىق جونەلتىلدى. كەيىن جەتكىزۋ قارقىنى ارتاتىن بولادى» دەلىنگەن مينيسترلىك حابارلاماسىندا.

سونداي-اق مينيسترلىك ۇن تارتۋشىلار ءۇشىن ءوندىرىس كولەمىن ۇلعايتۋ ماقساتىندا ءتيىستى جاعدايلار جاسالاتىنىن، ەكسپورت كەزىندە قوسىمشا قۇن سالىعىن جەدەل قايتارۋ قولعا الىناتىنىن دا ايتادى. وڭدەلگەن ءونىمدى تاسىمالداۋعا مەملە­كەتتىك قولداۋ شارالارى دا قاراستىرىلعان.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار