پرەزيدەنت • 19 قازان، 2021

پرەزيدەنت اوسشك حاتشىلىعىنىڭ اتقارۋشى ديرەكتورىن قابىلدادى

128 رەت كورسەتىلدى

قاسىم-جومارت توقاەۆقا ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە قازاقستان توراعالىعىنىڭ ءبىرىنشى جىلىنىڭ قورىتىندىلارى تۋرالى مالىمەت بەرىلدى، دەپ حابارلايدى Egemen.kz اقورداعا سىلتەمە جاساپ.

سونىمەن قاتار حاتشىلىقتىڭ قازىرگى قىزمەتىندەگى باسىم باعىتتاردىڭ ءبىرى رەتىندە فورۋمنىڭ ينستيتۋتسيونالدىق دامۋىنا قاتىستى جۇرگىزىلىپ جاتقان جۇمىستارعا ەرەكشە نازار اۋدارىلدى.

وسى رەتتە، اوسشك حاتشىلىعىنىڭ اتقارۋشى ديرەكتورى قايرات سارىباي مەملەكەت باسشىسىنا اقىلماندار كەڭەسىن قۇرۋعا جانە اوسشك-ءتىڭ تالداۋ ورتالىقتارىنىڭ فورۋمىن تۇراقتى جۇمىس ىستەيتىن كونسۋلتاتيۆتىك الاڭ رەتىندە قايتا قۇرۋعا قاتىستى باستامالارىنىڭ ىسكە اسىرىلۋى تۋرالى مالىمەت بەردى.

كەزدەسۋ بارىسىندا قاسىم-جومارت توقاەۆقا اوسشك اياسىندا ازيا اۋماعىنداعى سەنىم مەن ىنتىماقتاستىقتى نىعايتۋعا باعىتتالعان 50-گە جۋىق ءىس-شارا وتكىزىلگەنى تۋرالى ايتىلدى.  

بۇدان بولەك، قايرات سارىباي مەملەكەت باسشىسىنا كەڭەستىڭ سىرتقى ساياسي ۆەدومستۆو باسشىلارىنىڭ جۋىردا بولعان كەزدەسۋىنىڭ نەگىزگى قورىتىندىلارى مەن 2022 جىلى نۇر-سۇلتان قالاسىندا وتەتىن اوسشك-ءتىڭ VI سامميتىنە دايىندىق جۇمىستارى تۋرالى باياندادى.

قازاقستان پرەزيدەنتى جوعارى دەڭگەيدەگى الداعى جيىنعا تياناقتى دايىندالۋدىڭ، سونىڭ ىشىندە ماڭىزدى ماسەلەلەر مەن ۇيىمداستىرۋ جۇمىستارىن پىسىقتاۋدىڭ ماڭىزدى ەكەنىنە باسا ءمان بەردى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار