ونەر • 19 قازان، 2021

ءبارىمىز ءبىر اسپاننىڭ استىندامىز

105 رەت كورسەتىلدى

اسپان عانا قۇدايدى ويعا سالادى. ال شىنىندا، ءبارىمىز ءبىر الەمنىڭ كىشكەنتاي بولشەگىمىز. ۇشقان قۇس تا، جۇگىرگەن اڭ دا، تەڭىز دە، تۇمسا تابيعات تا – ءتاڭىردىڭ قولتاڭباسى. ايتسە دە، قولمەن ۇستاپ كورە المايتىن، بىراق جان سەزىنەتىن، ىشتەي تۇيسىنەتىن قۇبىلىستار قانشاما؟ مۇنى تەك قانا ولەڭمەن نە بولماسا بوياۋمەن بەينەلەۋگە بولاتىنداي. جالپى، ادامنىڭ ورە بيىگى ول قۇپيانى دا اشكەرەلەپ قويدى. سەنبەسەڭىز، ايگىلى سۋرەتشى ءھام كەسكىندەمەشى شايماردان ساريەۆتىڭ «الەم» اتتى كارتيناسىنا نازار سالىڭىزشى. دۋلى دۇنيەنىڭ ءدال وزىندەي شىم-شىتىرىق.

شايماردان ساريەۆ – قازاق ونەرىندە جارقىن دا بىرەگەي ءىز قالدىرعان تۇلعا. ونىڭ ءومىردى قابىلداۋى مەن الەمگە عاشىقتىعى تۋرالى ءسوز قاۋزاعاندا ەرەكشە كارتينالارى ەسكە تۇسەدى. قان­شا جەردەن سىني كوزبەن قاراساڭىز دا قايتالانباس قولتاڭباسى ءوز مازمۇنىن جوعالتپايدى.

ول ءوزىنىڭ شىعارماشىلىق جولىن، ياكي كەسكىندەمەلىك ىزدەنىستەرىن باتىس جانە شى­­عىس داستۇرلەرىن بىرىك­تى­رۋگە باعىتتادى. بۇل قاتار­دا س.ايتباەۆ، ت.توعىز­باەۆ، ت.تابيەۆ، و.نۇر­جۇ­ماەۆ، ا.سىدىحانوۆ، م.قيسا­مەت­دي­نوۆ سىندى سۋرەت­شىلەر توبىمەن بىرگە ۇلى كوشكە قوسىلعانىن ايتۋعا بولادى. ولار ۇلتتىق ونەردىڭ دە­كوراتيۆتى جانە پوست-يم­پرەسسونيستەردىڭ كوركەم­سۋ­رەت­تىك جۇيەسىنە سۇيەنىپ، جانر­لىق كورىنىستەردى قول­دان­دى. سول جىلدارى شىعار­مالارىنا ۇلتتىڭ ءوزىن ءوزى تانۋ يدەياسى نەگىز بولدى. وسى ۇردىستە شايماردان سا­ريەۆ­تىڭ تۋىندىلارى ەلەۋلى ءرول اتقاردى دەسەك ارتىق ايت­پا­عانىمىز بولار.

ماسەلەن، قىلقالام شە­بە­رىنىڭ «الەم» كارتيناسىن الىپ قاراڭىزشى. بۇل اتاۋدان بىرنەشە ماعىنا وربىتۋگە بولادى. الەم – بۇل ادامدار كەڭىستىگى. الەم – مادەنيەت پەن ءداستۇردىڭ الۋان تۇرلىلىگى. الەم – نەشە ءتۇرلى تانىم مەن كوزقاراس. وسىعان بايلانىستى كارتينادا ادەتتەگىدەي سيۋ­جەت­تىك ورتالىق جوق. مۇن­دا ءبارى تەڭ ءارى ءبىر-بىرىنە ۇقسا­مايدى.

تىنىش كۇيدە جاتقان ادام­نىڭ ارقا تۇسىندا ەر مەن ايەلدىڭ، تىرشىلىكتىڭ پايدا بولۋ بەلگىلەرى جانە ونىڭ شە­گى، سونداي-اق قۇستار مەن وسىم­دىكتەردىڭ شارتتى سىز­بالا­رى بەينەلەنگەن. تاۋدىڭ قارلى شىڭ­دارى جارقىراعان ەكى كۇن­مەن جاسىل ءتۇستى اسپانعا تى­رەلەدى. ال جەر بەتى قانىق كوك پەن قىزىل تۇستە كورىنىس تاپقان. ءبارى قىزىق... ءبارى تارتىمدى...

ىشكى دۇنيەتانىمى تەرەڭ سۋرەتشى «الەم» كارتيناسى ارقىلى دۇنيەنىڭ ديسگار­مونياسىن ماحاببات پەن اراز­دىق دەپ الىپ، ولاردان موزايكا قۇراستىرعان. دۇر­مەك ءومىردىڭ ديدارىنا قونعان بوياۋلار ادامدى الەم­نىڭ باستاۋى ەكەنىن جەت­كىزىپ تۇرعانداي.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار