20 مىڭ شارشى مەتر باسپانا

بۇل تۋرالى كوكشەتاۋ قالا­سىنىڭ اكىمى جارقىن جۇماعۇلوۆ جۋرناليس­تەرمەن وتكەن بريفينگتە مالىمدەدى. سوڭعى جىلدارى شىن ءما­نىندەگى قۇرىلىس الاڭىنا اينالعان كوك­شەتاۋدىڭ كەلبەتى, وسىمەن بىرگەلىكتە تۇرعىنداردىڭ كوڭىل كۇيى دە شىرايلانىپ قالعانداي. ماسەلەن, 2013 جىلى 15 كوپقاباتتى ءۇي سالىنسا, جاس وتباسىلارعا 5 مىڭ شارشىمەترلىك جايلى پاتەرلەر ءبولىندى. ونىڭ ۇستىنە, جالداپ تۇرۋ ادىسىمەن 3 مىڭ شارشى مەترگە جۋىق جاڭا پاتەر پايدالانۋعا بەرىلدى. «قولجەتىمدى تۇرعىن ءۇي-2020» باعدارلاماسى اياسىندا تۇر­عىن ءۇي قۇرىلىس جيناق بانكى سەرپىندى قيمىل تانىتقانىن ايتا كەتۋ كەرەك. جاڭا باستاما يەلەرى 12 مىڭ شارشىمەترلىك زامانالىق تۇرعىن ۇيلەردى قاتارعا قوسىپ, كوك­شەلىكتەر ريزاشىلىعىنا بولەندى. سونداي-اق, كوكشەتاۋدا تۇرعىن ءۇي-كوممۋنالدىق شارۋاشىلىعىن قايتا جاڭعىرتۋ ءىسى جاندانا تۇسۋدە. ولاي دەۋىمىزگە جىل ىشىندە 19 كوپقاباتتى ءۇيدىڭ ءسان-سالتاناتى اشىلا تۇسكەنى نەگىز بولادى. بۇل ماقساتقا وبلىس قازىناسىنان  400 ميلليون تەڭگە قارجى جۇمسالىپ, تولىق يگەرىلگەن. قالا تۇرعىندارى اراسىندا مەملەكەتتىك باعدارلاما ۇستانىمدارىن كەڭىنەن ءتۇسىندىرۋ, اقپاراتتىق جۇمىستاردىڭ اۋقى­مىن كەڭەيتۋ جۇرتشىلىق اراسىندا قوزعالىس تۋدىرىپ وتىر. باقبەرگەن امالبەك, «ەگەمەن قازاقستان». كوكشەتاۋ.