وقيعا • 18 قازان، 2021

الماتىدا ماس جۇرگىزۋشى پوليتسەيدى قاعىپ كەتتى

437 رەت كورسەتىلدى

الماتىدا ماس جۇرگىزۋشى پوليتسيا قىزمەتكەرىن قاعىپ كەتتى، دەپ حابارلايدى Egemen.kz.

«بۋران-227» پاترۋلدىك ەكيپاجى قابانباي باتىر كوشەسىندە قۇقىق قورعاۋ قىزمەتىن اتقارۋ كەزىندە قاراما-قارسى باعىتتاعى جولاقتا كەلە جاتقان Hyundai اۆتوكولىگىن بايقاعان. پوليتسيا قىزمەتكەرلەرىنىڭ تالاپتارىنا كولىك جۇرگىزۋشىسى ءمان بەرمەي، كەرىسىنشە، ولاردان قاشا باستادى. تالعار قالاسىنىڭ باعىتىنداعى ەكولوگيالىق پوستتا قىزمەت ەتىپ تۇرعان پوليتسيا اعا لەيتەنانتى مەيىرجان بيسەمباەۆ قۇقىق بۇزۋشىنى توقتاتۋعا تىرىستى، ول توقتاماستان، ينسپەكتوردى تولىق جىلدامدىقپەن قاعىپ كەتتى. ەكى اياعىنىڭ سىنۋى، ىشكى مۇشەلەرىنىڭ جارىلۋى، باس سۇيەگىنىڭ جابىق جاراقاتىمەن پوليتسيا قىزمەتكەرى اۋرۋحاناعا جاتقىزىلدى. Hyundai جۇرگىزۋشىسى ۇستالدى»، دەدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.

قۇقىق بۇزۋشى – 1962 جىلى تۋعان ۋ.ەسىمدى ازامات. ونىڭ كولىكتى ماس كۇيىندە باسقارعانى انىقتالدى.

بۇل فاكت قر قك-ءنىڭ 346-بابى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى.


سوڭعى جاڭالىقتار

ۇقساس جاڭالىقتار