«سارس كەنتىنىڭ التىنشى سىنىپ وقۋشىسى وقۋ ورنىنا مىلتىق اكەلىپ, ەكى وق اتقان. زارداپ شەككەندەر جوق», دەلىنگەن Mash Telegram ارناسىنىڭ حابارلاماسىندا.
«پەرمدەگى مەكتەپكە قارۋ-جاراقپەن كەلگەن مەرگەن - التىنشى سىنىپ وقۋشىسى ديما گۋباەۆ. ول قارۋدى اكەسىنەن ۇرلاپ كەتكەن. وقيعا تاڭەرتەڭ ساباق باستالعانعا دەيىن بولعان جانە مەكتەپتە بالالار از بولعان», دەلىنگەن Baza Telegram ارناسىنىڭ حابارلاماسىندا.
Mash مالىمەتتەرى بويىنشا, التىنشى سىنىپ وقۋشىسى وسىلايشا سىنىپتاستارىنان كەك العىسى كەلدى.
«بۇگىن ساعات 08:00-دە (نۇر-سۇلتان ۋاقىتى بويىنشا 09:00) پەرم ولكەسىنىڭ وكتيابر قالالىق وكرۋگىنىڭ پوليتسيا بولىمىنە كامەلەتكە تولماعان بالانىڭ مەكتەپتە قابىرعا مەن توبەگە ەكى وق اتقانى تۋرالى حابارلاما كەلدى. وقيعا سالدارىنان ەشكىم زارداپ شەككەن جوق. ءجاسوسپىرىم ۇستالدى», دەدى ريا نوۆوستي رەسەيدىڭ پەرم ولكەسىندەگى ءىىم مم-گە سىلتەمە جاساپ.
