قوعام • 17 قازان، 2021

سۋتەگى قۇيۋ بەكەتىن سالماق

107 رەت كورسەتىلدى

«قازمۇنايگاز» ۇلتتىق كومپانياسى، اتىراۋ مۇناي وڭدەۋ زاۋىتى جانە «ەر ليكيد مۇناي تەح گازى» سەرىكتەستىگى قازاقستاندا سۋتەگى باستامالارىن دامىتۋعا باعىتتالعان ءوزارا تۇسىنىستىك تۋرالى مەموراندۋمدى بەكىتتى. بۇل كومىرتەگى بەيتاراپتىعىنا قول جەتكىزۋ اياسىندا جۇزەگە استى. 

قۇجات تاراپتاردىڭ سۋتەگى قوزعالتقىشى بار اۆتوموبيلدەرگە ارنالعان سۋتەگى قۇيۋ بەكەتىن ۇيىمداستىرۋدى كوزدەيدى. سون­داي-اق بەكەتتى اتىراۋ زاۋى­تىن­داعى «ەر ليكيد مۋناي تەح گازى» سەرىكتەستىگى قوندىر­عى­لارى­نىڭ ساپاسىنا سايكەس كەلە­تىن سۋتەگىمەن قامتاماسىز ەتۋ جۇك­تەلگەن. اتالعان تەحنولوگيا قازاق­ستاندا العاش رەت ۇسىنىلىپ وتىر.

جوبا ەكى كەزەڭنەن تۇرادى. ءبىرىنشى كەزەڭدە، ياعني 2022 جىلعى ناۋرىز ايىنىڭ سوڭىنا دەيىن اتىراۋ قالاسىندا ءموبيلدى سۋتەگى قۇيۋ بەكەتىن ورناتۋ، سونداي-اق اتىراۋ مۇناي وڭدەۋ زاۋىتى قىزمەتكەرلەرىن تاسىمالدايتىن سۋتەگى قوزعالتقىشى بار اۆتوبۋستار مەن جەڭىل كولىكتەر ساتىپ الۋ قاراستىرىلعان.

ەكىنشى كەزەڭدە، ياعني 2022 جىلدىڭ سوڭىنا قاراي «ەر ليكيد مۋناي تەح گازى» سەرىكتەستىگىمەن بىرلەسىپ سۋتەگى قۇيۋ بەكەتىن ءتيىستى ساپاداعى سۋتەگىمەن قامتاماسىز ەتۋ بويىنشا جۇمىستار كەشەنىن اياقتاۋ جانە اتىراۋ قالاسىندا ستاتسيونارلىق سۋتەگى قۇيۋ بەكەتىن ىسكە قوسۋ جوسپارلانۋدا.

– «قازمۇنايگاز» سۋتەگى ەنەرگەتيكاسىن دامىتۋدى ۇزاق مەرزىمدى پەرسپەكتيۆادا كومپانيا قىزمەتىن دەكاربونيزاتسيالاۋ باعدارلاماسىنىڭ باسىم باعىتتارىنىڭ ءبىرى رەتىندە قاراستىرىپ وتىر. بۇل مەملەكەت باسشىسىنىڭ 2060 جىلعا قاراي كومىرتەگى بەيتاراپتىعىنا قول جەتكىزۋ جونىندەگى تاپسىرماسىنا سايكەس كەلەدى جانە جالپى الەم­دىك ترەندتەرمەن دە ۇندەسىپ جاتىر. كومىرتەگى كولەمىن ازاي­تۋ اكتيۆ­تەر قۇنىنىڭ وسۋىنە عانا سەپ­تىگىن تيگىزىپ قوي­ماي، ءبىزدىڭ ينۆەس­تيتسيالىق تارتىم­دىلىعىمىزدى دا ارتتىرادى، – دەيدى ۇلتتىق كومپانيا­نىڭ باسقارما توراعاسى اليك ايدارباەۆ.

قازىرگى ۋاقىتتا «قازمۇنايگاز» 2022-2031 جىل­دار­عا ارنالعان دامۋ ستراتەگيا­سىن وزەكتەندىرۋدە. بۇعان قوسا تومەن كومىرتەكتى دامۋ باع­دار­لاماسى ماقۇلداندى. كومپا­نيا 2031 جىلعا قاراي سو2 شى­عا­رىندىلارىن 2019 جىل­عى دەڭگەيدەن 15 پايىزعا تومەن­دەتۋدى كوزدەپ وتىر. بۇل شامامەن 1،6 ملن توننا سو2-ءنى قۇرايدى.

اتالعان ماقساتقا ەنەرگيا تيىمدىلىگىن ارتتىرۋ، ەنەرگيا ۇنەمدەۋ سالاسىنداعى ءىس-شارالاردى جۇزەگە اسىرۋ، جاڭارتىلاتىن جانە سۋتەگى ەنەرگەتيكاسىن دامىتۋ، كومىرتەگىنى ءوندىرۋ جانە ساقتاۋ جونىندەگى تەحنولوگيالاردى قولدانۋ، ورمان-كليماتتىق جوبالاردى ىسكە اسىرۋ ارقىلى قول جەتكىزۋ جوسپارلانعان. قازىردىڭ وزىندە ۇلتتىق كومپانيا وسى باعىتتا الەۋەتتى ارتتىرۋ جانە وندىرىلگەن سۋتەگىنى ءوز اكتيۆتەرىندە پايدالانۋ ءۇشىن سۋتەكتىك موبيلدىلىك سالاسىنداعى قاناتقاقتى جوبانى ىسكە اسىرا باستادى.

ەسكە سالا كەتەيىك، سۋتەگى وتىنى بەنزين مەن ديزەلگە ەكو­لو­­گيالىق بالاما بولىپ سانالادى. ويتكەنى ول جانعاندا بۋ شىعادى. سونىمەن قاتار سۋتەگىنىڭ بەنزينگە قاراعاندا شىعىنى الدەقايدا از – 100 شاقىرىم ءۇشىن بار-جوعى 0،6 كيلو سۋتەگى جۇمسالادى. سۋتەگى قۇيۋ بەكەتى سۋتەگىنى ساقتاۋ، سال­قىنداتۋ، سىعىمداۋ جانە تاراتۋ جۇيەلەرىنەن تۇرادى.

جوبانىڭ سەرىكتەسى – فران­تسيا­نىڭ Air Liquide كومپانيا­سى. كومپانيا سوڭعى 50 جىلدا سۋتەگى جەتكىزۋدىڭ بارلىق تىزبەگىن، ياعني ونى وندىرۋدەن باستاپ ساقتاۋ­عا، سوڭعى تۇتىنۋشىلارعا ار­نال­عان قوسىمشالاردى ازىرلەۋ جانە تاراتۋعا دەيىنگى ارالىقتى قامتيدى. بۇگىنگى تاڭدا كومپانيا الەم بويىنشا 120-دان استام سۋتەگى قۇيۋ بەكەتىن جوبالاپ، ىسكە قوستى.

 

سوڭعى جاڭالىقتار

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار