ايماقتار • 16 قازان، 2021

قۇس تۇماۋى: پاۆلودار وبلىسىنىڭ تاعى ءبىر اۋىلىندا كارانتين ەنگىزىلدى

93 رەت كورسەتىلدى

پاۆلودار وبلىسىنىڭ تاعى ءبىر اۋىلىندا قۇس تۇماۋىنا بايلانىستى كارانتين ەنگىزىلدى.ينفەكتسيا وشاعىندا 20 ءۇي قۇسىنىڭ كوزى جويىلدى، دەپ حابارلايدى Egemen.kz.

بۇل تۋرالى وبلىستىڭ ۆەتەريناريا باسقارماسى حابارلادى. پاۆلودار اۋىلىنىڭ ۆەتەرينارلىق پۋنكتىنىڭ مەڭگەرۋشىسىنە 2021 جىلدىڭ 9 قازانىندا ءۇش قۇستىڭ ولگەنى تۋرالى جەرگىلىكتى تۇرعىن حابارلادى.

«2021 جىلعى 11 قازاندا ۆەتەريناريا بويىنشا ۇلتتىق رەفەرەنتتىك ورتالىققا پاتولوگيالىق ماتەريال جانە قان سارىسۋىنىڭ ەكى سىناماسى ىرىكتەلىپ، زەرتتەۋ ءۇشىن جىبەرىلدى. ىرىكتەلىپ الىنعان سىنامالار قۇس تۇماۋى بويىنشا وڭ ناتيجە كورسەتتى»، دەپ حابارلادى ۆەدومستۆودان.

پاۆلودار قالاسىنىڭ باس ۆەتەريناريالىق-سانيتاريالىق ينسپەكتورىنىڭ ۇسىنىسى بويىنشا پاۆلودار اۋىلىنىڭ اكىمى جوعارى پاتوگەندى قۇس تۇماۋى بويىنشا اۋىل تۇرعىنىنىڭ جەكە اۋلاسىنا كارانتين جاريالادى.

2021 جىلدىڭ 3-14 قازان ارالىعىندا 31 تاۋىق، 11 قاز جانە 22 كۇركەتاۋىق ءولدى. رەسپۋبليكالىق ەپيزووتياعا قارسى جاساق وشاقتا تاعى 20 ءۇي قۇسىن – 15 تاۋىق پەن 5 قازدى جويدى. پاۆلودار اۋىلى بۋفەرلىك ايماق بولىپ تابىلادى، راديۋسى 50 كم باقىلاۋ ايماعى بولىپ سانالادى.

ارنايى كوميسسيا ءبىر باس ءۇشىن باعا بەلگىلەگەننەن كەيىن يەلەرىنە الىنعان قۇستىڭ قۇنى وتەلەتىن بولادى.

سوڭعى جاڭالىقتار

ۇقساس جاڭالىقتار