ەلوردا • 16 قازان، 2021

ەلوردادا قاجىمۇقان مۇڭايتپاس ۇلىنا ەسكەرتكىش ورناتىلدى

183 رەت كورسەتىلدى

ەلوردادا كۇش اتاسى قاجىمۇقان مۇڭايتپاس ۇلى ەسكەرتكىشى ورناتىلدى. سونىمەن قاتار قاجىمۇقان مۇڭايتپاس ۇلىنىڭ 150 جىلدىعىنا وراي «جاس باتىر» سپورت كەشەنىنە «قاجىمۇقان» اتاۋى بەرىلدى، دەپ حابارلايدى Egemen.kz.

ەسكەرتكىش ق.مۇڭايتپاس ۇلى اتىنداعى وليمپيادا رەزەرۆىنىڭ مامانداندىرىلعان رەسپۋبليكالىق مەكتەپ-ينتەرنات-كوللەدجى اۋماعىندا ورناتىلدى.

سالتاناتتى ءىس-شاراعا مادەنيەت جانە سپورت ءمينيسترى اقتوتى رايىمقۇلوۆا، نۇر-سۇلتان قالاسى اكىمىنىڭ ورىنباسارى ەرمەك قيزاتوۆ، گرەك-ريم كۇرەسىنەن ەكى دۇركىن وليمپيادا جۇلدەگەرى داۋلەت تۇرلىحانوۆ، پارلامەنت ءماجىلىسىنىڭ دەپۋتاتى باقىتبەك سماعۇل مەن بىرقاتار سپورت جانە قوعام قايراتكەرى قاتىستى.

ەسكەرتكىشتىڭ اشىلۋىندا ءسوز العان اقتوتى رايىمقۇلوۆا كۇش اتاسى قاجىمۇقان مۇڭايتپاس ۇلىنىڭ 150 جىلدىعىن اتاپ وتۋگە ەلىمىزدىڭ بارلىق ءوڭىرى ءبىر كىسىدەي جۇمىلىپ، ەرەكشە اتسالىسىپ جاتقانىن اتاپ ءوتتى.

«قاجىمۇقان مۇڭايتپاس ۇلى – قازاق حالقىنىڭ تاريحىنداعى تۇڭعىش كاسىپقوي بالۋان. ول بۇكىل عۇمىرىن كۇرەس ونەرىنە ارناپ، ەلىمىزدى وزگە جۇرتقا پاش ەتكەن. تالاي بەلدەسۋدە اتىشۋلى قارسىلاسىنان ايلاسىن اسىرىپ، كوزى تىرىسىندە ەرلىگى اڭىزعا اينالىپ ۇلگەردى. وراسان كۇشتىڭ يەسى بولعان بالۋان بابامىز، كۇرەستىڭ بىرنەشە تۇرىنەن قازاقتان شىققان تۇڭعىش الەم چەمپيونى اتاندى.

جىل باسىندا قاجىمۇقان مۇڭايتپاس ۇلىنىڭ ەسىمىن ۇلىقتاۋ، ماڭگىلىككە ەستە قالدىرۋ ماقساتىندا ارنايى جالپىرەسپۋبليكالىق ءىس-شارالار جوسپارى əزىرلەندى. كەشەندى جوسپارعا سəيكەس كوپتەگەن مادەني، سپورتتىق-بۇقارالىق، اقپاراتتىق-يميدجدىك ءىس-شارا وتكىزىلىپ كەلەدى.

بۇل قاتاردا ارنايى پوشتا ماركالارى شىعارىلعانىن، «قاجىمۇقان» كوركەم ءفيلمىنىڭ تۇسىرىلگەنىن ايتۋعا بولادى. سونىمەن قاتار ەلىمىزدىڭ تۇكپىر-تۇكپىرىندە مارافوندار، دوڭگەلەك ۇستەلدەر، تاقىرىپتىق اشىق ساباقتار، بىرنەشە حالىقارالىق كونفەرەنتسيا، تۋرنيرلەر مەن باسقا دا ءىس-شارالار وتكىزىلدى.

بۇگىن ەر ەسىمىن ۇلىقتاۋعا ارنالعان سونداي ءىس-شارانىڭ بىرىندە باس قوسىپ تۇرمىز. ەلوردا تورىندە كۇش اتاسى قاجىمۇقان بابامىزدىڭ ەسكەرتكىشىن سالتاناتتى تۇردە اشقالى جاتىرمىز. سىزدەرمەن بىرگە وسى ابىرويلى ءىس-شارانىڭ باسى-قاسىندا بولۋ مەن ءۇشىن زور مارتەبە دەپ سانايمىن.

سونىمەن قاتار قالامىزداعى «جاس باتىر» سپورت كەشەنى بۇدان بىلاي «قاجىمۇقان» سپورت كەشەنى دەپ اتالادى.

بۇل ءىس-شارالار بالۋانعا كورسەتىلگەن تاعزىمنىڭ شاعىن دا بولسا، ماڭىزدى كورىنىسى. الداعى ۋاقىتتا دا اڭىز ادامنىڭ رۋحىن اسقاقتاتىپ، ەرلىگىن كەلەر ۇرپاققا جەتكىزۋ ءبىزدىڭ ماقساتىمىز بولىپ قالا بەرەدى»،-دەدى مينيستر.

ايتا كەتەيىك، ەسكەرتكىشتىڭ جالپى بيىكتىگى 5،7 مەتر (تۇعىرى - 2،2 مەتر، ءمۇسىن 3،5 مەتر). اۆتورلارى – جالىن باۋىرقان، بولاتبەك سالاەۆ.

 

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار