«ساۋدا-ەكونوميكالىق ىنتىماقتاستىقتى جانداندىرىپ, ۇلعايتۋ ءبىرىنشى كەزەكتى مىندەت. بىرقاتار بەدەلدى حالىقارالىق ۇيىمنىڭ مالىمەتى بويىنشا تمد مەملەكەتتەرىنىڭ وڭىرشىلىك تاۋار اينالىمى 91 ملرد دوللاردى نەمەسە الەمدىك ساۋدا دەڭگەيىنىڭ 0,5 پايىزىن عانا قۇرايدى.
بۇل رەتتە دوستاستىق ەلدەرىنىڭ ءوزارا ساۋدا ۇلەسى ءبىزدىڭ مەملەكەتتەرىمىزدىڭ سىرتقى الەممەن جالپى تاۋار اينالىمىنىڭ شامامەن 20 پايىزىن الىپ وتىر», دەدى قاسىم-جومارت توقاەۆ.
قر پرەزيدەنتىنىڭ اتاپ وتۋىنشە, بۇل كورسەتكىشتەر دوستاستىق ەلدەرى ساۋدا-ەكونوميكالىق بايلانىستى ايتارلىقتاي ارتتىرۋى ءۇشىن مول الەۋەتتىڭ بار ەكەنىن كورسەتەدى.
«سوندىقتان ەكونوميكالىق ءوزارا ءىس-قيمىلدىڭ قازىرگى ادىستەرىن وي ەلەگىنەن وتكىزىپ, جەتىلدىرۋ ءۇشىن بىرلەسكەن ۇلكەن جۇمىس اتقارۋ قاجەت», دەدى مەملەكەت باسشىسى.
