«جالپى, جاعداي تۇراقتى جانە باقىلاۋدا. وسى جىلدىڭ توعىز ايىنىڭ قورىتىندىسى بويىنشا قىلمىس دەڭگەيى 5,4%-عا تومەندەدى. بۇل رەتتە, جالپى قىلمىستىڭ اشىلۋ كورسەتكىشى بارلىق باعىتتار بويىنشا 2,9%-عا, ال, اۋىر جانە اسا اۋىر 1,3%-عا جاقساردى. كوشەدە جاسالعان قۇقىق بۇزۋشىلىق سانى - 3,9 ەسەگە جانە قوعامدىق ورىنداردا - 3,2 ەسەگە ازايدى. سونىمەن قاتار, جاراقات العان ادامداردىڭ قاتىسۋىمەن بولاتىن جول-كولىك وقيعالارىنىڭ 2,8%-عا وسكەنىن اتاپ وتكەن ءجون. وسۋگە وتكەن جىلى تولىق لوكداۋننىڭ ەنگىزىلۋى, باقىلاۋ-پوستتارىنىڭ ورناتىلۋى اسەر ەتتى. مىسالى, ەگەر قالادا كۇن سايىن 750 مىڭعا جۋىق كولىك بىرلىگى جۇرسە, وندا لوكداۋن كەزىندە بۇل كورسەتكىش 5 ەسەگە قىسقاردى. وسىمگە قاراماستان, ءبىز جول-كولىك وقيعالارىنداعى ءولىم-ءجىتىمدى 7,9%-عا تومەندەتە الدىق», دەدى قانات تايمەردەنوۆ.
